Memleket basshysy belgili advokat Aıman Omarovanyń kótergen máselesiniń mańyzdylyǵyna toqtaldy. Áıelder kolonııasyndaǵy ahýaldy jiti baqylap, júkti áıelder men kishkentaı balalary bar áıelderdiń jaǵdaıyna basa nazar aýdarý kerektigin jetkizdi.
«Elimizdegi qylmystyq-atqarý júıesiniń maqsaty sottalǵan azamattardy jazalaý emes, túzetý bolýy kerek degen pikirmen kelisemin. Er adam nemese áıel bolsyn, bas bostandyǵynan aıyrylǵandardyń bári zań aldynda birdeı ekeni túsinikti. Degenmen adamgershilik qundylyqtardy basshylyqqa alyp, «Zań men tártip» qaǵıdatyn saqtaı otyryp, kámeletke tolmaǵan balasy bar áıelderge qatysty keıbir zańdyq ustanymdardy qaıta qaraýǵa bolady dep oılaımyn. Quqyq qorǵaý organdary men depýtattar osy máseleni baıypty ári jan-jaqty zerttep, sheshim qabyldaý úshin usynystar engizýi kerek», dedi Prezıdent.
