Foto: ashyq derekkóz
«2019 jyldan bastap ómir súrý uzaqtyǵy 73 jastan 75 jasqa deıin ulǵaıdy. Jalpy ólim-jitim 7,8%-ǵa, ana ólimi – 26,3%-ǵa, nárestelerdiń shetinep ketý kórsetkishi – 15,8%-ǵa tómendedi. Buǵan profılaktıkanyń tıimdiligin arttyrý jáne skrınıngpen qamtý deńgeıin keńeıtý yqpal etti», deıdi O.Bektenov.
Sondaı-aq Úkimet basshysy Prezıdenttiń «Ańsaǵan sábı» arnaıy baǵdarlamasynyń arqasynda, bala súıe almaǵan otbasylarda 2021 jyldan beri 9 myńnan astam sábı dúnıege kelgenin jetkizdi. Buǵan qosa medısına salasy mamandaryna júzege asyrylǵan tıimdi jobalardy atap ótti.
«Densaýlyq saqtaý júıesiniń kadrlyq áleýetin arttyrýǵa, ásirese aýyldyq jerlerdi qajetti mamandarmen qamtýǵa erekshe nazar aýdarylyp keledi. Máselen, aýyldyq eldi mekenderge keminde 5 jyl merzimge jumysqa kelgen medısına qyzmetkerlerine 8,5 mıllıon teńge mólsherinde birjolǵy aqshalaı tólem engizildi. Turǵyn úı máselelerin sheshýdiń qoljetimdi quraldary bar», dedi O.Bektenov.
