Balqashta «Naýryznama» onkúndigi sheńberindegi Qaıyrymdylyq kúni aıasynda kóp balaly analarǵa, az qamtylǵan otbasylarǵa jáne múmkindigi shekteýli jandarǵa 15 jańa páter berildi.
Saranda 110 otbasyǵa kilt tabys etildi. Olardyń ishinde jetim balalar, kóp balaly otbasylar jáne áleýmettik osal top ókilderi bar. Bul páterler memlekettik baǵdarlama boıynsha qurylys salýshydan satyp alyndy.
– Naýryzda ıgilikpen bólisý, syılyqtar jasaý dástúrge aınaldy. Osyndaı mereke qarsańynda biz úshin mańyzdy syılyq – páter kiltin alǵanymyzdyń erekshe máni bar, – deıdi Saran qalasynda turatyn jalǵyz basty ana Móldir Salyqova.
Jańa páterdiń kiltin tapsyrý aldaǵy kúnderi de jalǵasady. Qaraǵandyda 19 naýryzda 180 otbasy qonys toıyn toılaıdy, 20 naýryzda Buqar jyraý aýdanynyń Doskeı aýylynda 60 otbasy páter kiltin alady, 21 naýryzda taǵy 24 otbasy Nura aýdanynda jańa baspanaǵa ıe bolady.
Qaraǵandy oblysy
