Foto: Memlekettik kirister komıteti
Jandos Dúısembıev mınıstrdi taǵaıyndalýymen quttyqtap, memleket basshylarynyń tapsyrmalaryn iske asyrýǵa baǵyttalǵan odan ári jemisti yntymaqtastyqqa senim bildirdi. Bul mindetterge kedendik rásimderdi jeńildetý, shekaradaǵy ashyqtyqty arttyrý jáne ekijaqty saýdany yntalandyrý kiredi.
QR QM Memlekettik kirister komıtetiniń baspasóz qyzmetiniń málimdeýinshe kezdesý barysynda Qazaqstan tarapy shekaradaǵy ótkizý pýnktterin jańǵyrtý týraly, sondaı-aq Nur Joly – Qorǵas ótkizý pýnktterinde táýlik boıy jumys isteý rejıminiń pılottyq jobasynyń nátıjeleri týraly aqparat usyndy.
Negizgi ýaǵdalastyqtar:
- ótkizý pýnktteriniń ótkizý qabiletin arttyrý jónindegi birlesken sharalar;
- ınfraqurylymdy jańǵyrtý jáne ótkizý pýnktteriniń jumys rejımin ulǵaıtý;
- úzdiksiz qozǵalys úshin qabyldanatyn avtokólik quraldarynyń (AKQ) eń az sanyn engizý; shekaradaǵy prosesterdi úılestirý jónindegi birlesken jumys tobynyń jumysyn kúsheıtý.
Aıta keteıik, sáýirdiń birinshi jartysynda jumys toby bıznes-prosesterdi zertteý, AKQ qozǵalysyna áser etetin problemalyq máselelerdi anyqtaý jáne olardy joıý úshin usynystar ázirleý úshin shekarada kóshpeli jınalys ótkizedi.
Kelissózder qorytyndysy boıynsha taraptar:
- ótkizý pýnktterin jańǵyrtýdy jedeldetýge;
- kedendik baqylaýdyń tıimdiligin arttyrýǵa; shekaradan ótýdiń qolaıly jaǵdaılaryn qamtamasyz etýge jáne AKQ jınalýyn boldyrmaýǵa kelisti.
Kezdesý Qazaqstan men Qytaı arasyndaǵy saýda-ekonomıkalyq yntymaqtastyqty damytý jolynda taǵy bir qadam boldy, al qol jetkizilgen ýaǵdalastyqtar kedendik resimdeýdiń tıimdiligi men jyldamdyǵyn edáýir arttyrýǵa múmkindik beredi.
