Foto: Artem Chýrchınov
Onyń aıtýynsha, bul jańa jumys oryndaryn ashyp, ınvestısııa tartyp qana qoımaı, ulttyq shyǵarmashylyq ekonomıkanyń jahandyq básekege qabilettiligin qamtamasyz etedi.
«Bul baǵytta biz Qoja Ahmet Iаsaýı atyndaǵy Halyqaralyq qazaq-túrik ýnıversıtetiniń 421 stýdentine oqý baǵdarlamasyn uıymdastyrdyq. Endigi kezekte Batys Qazaqstan oblysynda 200 kreatıvti maman daıyndaımyz. Sonymen qatar biz ózimiz shoǵyrlanǵan óńirlerde Kreatıvti mamandyqtar kartasyn ázirlep, jergilikti jerdiń suranysyna saı jumys isteýdi maqsat etip otyrmyz. Osy tájirıbeni basqa aımaqtar úshin de paıdalanýǵa ázirmiz. Kreatıvti kadrlar daıarlaý baǵdarlamasyn bilim berý júıesiniń ár deńgeıinde engizý erekshe mańyzǵa ıe. Psıhologtar balalardy kásiptik baǵdarlaý 5 jastan bastalýy kerektigin aıtady. Sondyqtan kreatıvti bilim berýdi orta, kásiptik jáne joǵary bilim berý salalarymen qatar, qysqa merzimdi kýrstardyń tizimine qosý qajettigi týyndap otyr», dep atap ótti Maqpal Jumabaı.
