Foto: Tótenshe jaǵdaılar mınıstrliginiń baspasóz qyzmeti
Byltyr kúzden bastap TJM «Muz-2025» respýblıkalyq úgit-profılaktıkalyq aksııasy aıasynda muzda adam óliminiń aldyn alý boıynsha aýqymdy jumys júrgizip jatyr.
- 20,5 myńnan astam reıd pen patrýldeý júrgizilgen.
- 122 myń adammen profılaktıkalyq áńgimelesý ótkizildi.
- 71 myńnan astam balyqshy men ańshyǵa nusqaý berilgen.
- 1700 saýda núktesinde 152 myń jadynama men paraqsha taratyldy.
TJM eske salady:
- Bir adamǵa arnalǵan muzdyń qaýipsiz qalyńdyǵy keminde 10 sm.
- Qarańǵyda, kóriný nashar bolǵan kezde, muz qatý jáne erý kezeńinde muzǵa shyǵýǵa tyıym salynady.
- Muzdyń qalyńdyǵy 10-nan 25 sm-ge deıin jáne qutqarý keýdeshesi bolǵan kezde ǵana muzda balyq aýlaýǵa ruqsat etiledi.
Atalǵan maýsym bastalǵannan beri 46 adam, onyń ishinde Alakól kólindegi dreıfti muzda qalǵan 25 balyqshy jáne «Teris Ashybulaq» sý qoımasynda muzdyń synǵan keseginde qalyp, jaǵadan alystap bara jatqan 5 balyqshy qutqaryldy. Muz astyna túsken 11 avtomobıl de shyǵarylǵan.
