Oblystyq deneshynyqtyrý jáne sport basqarmasynyń basshysy Meırambek Mahambetovtiń aıtýynsha, Aqtóbe oblysynda ulttyq sport túrleri jaqsy damyp keledi. «Bizdiń sportshylar arasynda el chempıonatynda úzdik shyqqan, Azııa, álem chempıonattarynda úzdik tanylǵan sportshylarymyz da bar. Kókpar aýdandarymyzda erekshe qarqynmen damyp keledi. At báıgesinen jetistikterimiz kóp. Ulttyq sport kúnine oraı qalada, aýdan ortalyqtarynda ulttyq sport túrlerinen is-sharalar ótip jatyr. Búrkitshilerimiz aýdandarda júr», deıdi M. Mahambetov.
Kórmege tazylaryn alyp kelgen «Qumaı tazy» qoǵamdyq federasııasynyń prezıdenti Oralbek Maqatovtyń da aıtary bar. Osy qoǵamdyq uıym 2022 jyly qurylǵan. Qazir 100-den astam múshesi bar. «2022 jyly 1 qarashada Aqtóbe oblysynda 443 tazy tirkelse, búginde olardyń sany 700-ge jetti. О́ńirimizde qumaı tazynyń jarǵaq jáne shashaqty tuqymdary bar. Bulardyń ereksheligi, jarǵaq tazynyń qulaǵynda shashaǵy, aıaǵynda túgi joq bolsa, shashaqty tazynyń qulaǵynda shashaǵy, aıaǵynda túgi bolady. Biz uzaq jyldan beri tazylardy ósirýmen kásibı túrde aınalyspadyq. Qazaqstan kınologter odaǵy da belsendi bolǵan joq. Otyz jyldyń ishinde patent alýǵa bolatyn edi. Bizge deıin tazy tuqymyna tórt el patent alǵysy keldi. Birinshisi – «sultan tazy» dep patent alǵysy kelgen Túrkııa bolsa, ekinshisi qyrǵyzdar, úshinshisi «Ońtústik Ýral» tuqymy» dep Reseı Federasııasy da patent alýǵa umtyldy. Byltyr qumaı tazymyzǵa patent alǵanymyz sáttilik dep túsinemin. Tazy – qanyna ańshylyq qasıet sińgen, úıretkendi birden qaǵyp alatyn ámbebap janýar. Babalarymyzǵa bes myń jyldan beri jylqymyz ben tazymyz serik bolǵan. О́z basym bir tazynyń kútimine aıyna 15 myń teńge jumsaımyn. Buryn atalarymyz úıdiń irgesinde ustasa, biz jyly úıshikte ustaımyz. Negizi dalany jaqsy kóredi. Keıde taýyq jeıdi, qoıǵa shabady dep aıtady. Onyń sebebi, tazynyń kúshi syımaı bara jatqan soń, júgirgen zattyń bárine áýes. Men aptasyna eki ret 40–50 shaqyrym júgirtemin. Keıde saıatshylyqqa shyǵamyz. Qoıan, túlki, borsyq, qarsaq alady», deıdi ol.
Ulttyq sport túrlerinen saıysqa shyqqandarǵa birinshi orynǵa 200 myń, ekinshi orynǵa 100 myń, úshinshi orynǵa 50 myń teńgeden júlde qory bekitildi. Qazaq kúresi saıysyna 80 kılo salmaqtan joǵary balýandar, arqan tartýǵa djıý-djıtsý, MMA, qazaq kúresi, grek-rım kúresiniń sportshylary qatysty.
Aqtóbe oblysy
