Oralda ushqyshsyz ushý apparatynyń tanystyrylymy ótti

ORAL. 10 aqpan. Oral qalasynda ushqyshtyń bolýyn qajet etpeıtin ushý apparatynyń tanystyrylymy ótkizildi. Bul týraly egemen.kz tilshisi habarlady. Ushaqty serııaly túrde shyǵarý isin «Omega» prıbor jasaý zaýyty bılyǵy jyldyń ózinde bastamaq. Osy kúrdeli de qajetti is júıeli jolǵa qoıylǵan kezde Qazaqstan ushqyshsyz ushatyn áýe óndirisin meńgergen álemdegi tórtinshi eldiń qataryna qosylmaq. Iаǵnı, elimizdiń aldyna Reseı, AQSh jáne Izraıl memleketteri ǵana shyqpaq. Atalǵan keshendi áýe qondyrǵysy Reseıdiń Moskva oblysyndaǵy qoldanbaly elektro-dınamıka ǵylymı ortalyǵynda jasalǵan. Ony áskerı ári ártúrli azamattyq maqsattarǵa qatar qoldana berýge bolady. Sonyń ishinde ushaqsyz apparatty shekara qyzmetinde, aýyl sharýashylyǵynda jáne tótenshe jaǵdaılardyń aldyn alý kezinde paıdalaný óte tıimdi eken. Bul jóninde reseıliktermen osy ortaq jobany birlesip qolǵa alǵan «Mır masel» JShS-nyń dırektory Abaı Rysqalıev bylaı dedi: «ÝAZ avtokóligine ornatylǵan kompıýterler ushqyshsyz apparat beretin aqparattardy qabyldap keleńsiz jaǵdaılardy anyqtap bere alady. Bul qondyrǵynyń artyqshylyǵy – adam aıaǵy bara almaıtyn jerlerge áýeden qalyqtap túsýinde. Osy jobaǵa saı biz bolashaqta «Omega» zaýyty ǵımaratynan oqý ortalyǵyn ashýdy kózdep otyrmyz. Máseleniń mánisi mynada. Elimiz 2006 jyldan ushaqsyz avıasııa óndirisin damytý máselesin alǵa qoıǵany málim. Osy iske úlken serpin bergen ótken jyly Atyraý qalasynda Reseı men Qazaqstan Prezıdentteri qatysýymen ótkizilgen shekaralas oblystar basshylarynyń kezdesýi. Osy basqosýda atalǵan keshenniń múmkindikteri jan-jaqty talqylandy. Sondaı-aq kelisimder nátıjesinde ushqyshsyz ushý apparaty óndirisin órkendetý jóninde sheshim alyndy. Qazaqstandaǵy «Omega» prıbor jasaý zaýyty men máskeýlik radıoelektronıka ortalyǵy arasyndaǵy qol qoıylǵan memorandým Atyraýdaǵy kezdesýdiń jańǵyryǵy deýge bolady. Taǵy bir aıta keterlik jáıt, servıstik ortalyq ta qazaqstandyq qalada ornalaspaq. Oǵan qajetti jınaqtaýshy materıaldar Reseıden jetkizilmek. Jobanyń túpki bastaýynda qazaqstandyq úles otyz paıyz tóńireginde bolsa, ýaqyt óte kele bul kólem odan ári ulǵaımaq. Sonymen birge eki jaqty qol qoıýshylar kadrler ázirleý máselelerin de nazardan tys qaldyrmaǵan. Temir Qusaıyn. Derek: egemen.kz. Sýret: diapazon.kz.