Shyǵys shahardaǵy ultty aǵartýdyń sham-shyraǵy bolyp otyrǵan Shakarim University bilim men ǵylymnyń shekarasyn keńeıtip, halyqaralyq yntymaqtastyqty nyǵaıta tústi. Qazaqstan Prezıdentiniń Ǵylym jáne joǵary bilim salasynda Qytaı Halyq Respýblıkasymen yntymaqtastyqty damytý jónindegi strategııalyq bastamasy aıasynda Shakarim University men Northwest A&F University (NWAFU, QHR) arasynda áriptestik týraly kelisimge qol qoıdy.
Atalǵan qujatqa qol qoıý barysynda Northwest A&F University (QHR) atynan rektor Ý Pý-Te, vıse-rektor Ma Chjýan, Halyqaralyq yntymaqtastyq jáne almasý keńsesiniń dırektory Ýań Chıaýlýń, Agronomııa kolledjiniń dekany Lı Sıýeszıýn, Zootehnıka jáne mal sharýashylyǵy tehnologııalary kolledjiniń dekany Chıan Iý, Landshaftyq sáýlet jáne óner kolledjiniń dekany Gao Tıan, sondaı-aq Halyqaralyq yntymaqtastyq jáne almasý keńsesi dırektorynyń orynbasary Choý Iýfen qatysty.
Al Shakarim University delegasııasynyń quramynda rektor Dýman Orynbekov, Internasıonaldandyrý jáne ınnovasııalar jónindegi prorektor Erasyl Dýlatbaı, Ǵylymı zertteýlerdi uıymdastyrý ortalyǵynyń úılestirýshisi Ernaz Ermekov, zootehnıka salasyndaǵy qos dıplom baǵdarlamasynyń jetekshisi Gúlim Qamzına boldy.
«Shákárim Ýnıversıteti men Northwest A&F University (QHR) arasyndaǵy seriktestik týraly memorandým aıasynda, mal sharýashylyǵy salasynda qos magıstrlik bilim berý baǵdarlamasyn iske qosý týraly kelisim bekitildi. Northwest A&F University rektory Ý Pý-Te myrzaǵa shynaıy alǵysymdy bildiremin. Ol bul salaǵa tereń qyzyǵýshylyq tanytyp, birlesken qadamdarǵa árqashan daıar ekenin kórsetti. Ideıalar qoldaý tapqanda, seriktester sapaly bilimmen qatar úlken múmkindikterge jol ashýy – baǵa jetpes qundylyq», dedi Shakarim University rektory Dýman Orynbekov.
Kelisim qujatynda «Mal sharýashylyǵy» baǵyty boıynsha qos magıstrlik dıplom baǵdarlamasy; Qytaıdyń jetekshi agrarlyq ýnıversıtetiniń ǵylymı-zertteý resýrstaryna qoljetimdilik; Bilim almasý baǵdarlamalary, taǵylymdamalar men halyqaralyq ǵylymı jobalar syndy tarmaqtar qamtyldy.
«Áriptestik kelisimderdi bekitý – Qazaqstannyń halyqaralyq bilim keńistigine ıntegrasııalaný jónindegi ulttyq basymdyqtaryna tolyq sáıkes keledi. Aýyl sharýashylyǵy jáne agrarlyq ınnovasııalar salasyndaǵy bilim men tehnologııalar almasýy stýdentter men ǵalymdarǵa mal sharýashylyǵy salasyndaǵy ózekti máselelerdi sheshýge múmkindik beredi. Biz taǵy da ǵylym men bilimniń shekarasy joq ekenine kóz jetkizip otyrmyz. Northwest A&F University-men seriktestik bizdiń stýdentter men oqytýshylarǵa halyqaralyq deńgeıde mol tájirıbe jınaýǵa, ozyq tehnologııalardy meńgerýge jáne jahandyq ǵylymı ortada jumys isteýge jol ashady. Qorytyndylaı kele, uzaq merzimdi ári nátıjeli yntymaqtastyqtyń bastaý alǵanyn aıtqym keledi», dedi rektor.
