Foto: ult.kz
Aıta keteıik, búginde elimizde shetel jumys kúshin paıdalanatyn 1 744 jumys berýshi bar, olardyń qatarynda 377,6 myńnan astam qazaqstandyq azamat eńbek etedi. Bul jumysshylar jalpy qyzmetkerler sanynyń 96,5%-yn quraıdy.
«Shetel jumys kúshin (budan ári – ShJK) tartýǵa ruqsattardyń arasynda mynadaı sanattar bar: basshylar men olardyń orynbasarlary úshin 569 ruqsat (birinshi sanat), qurylymdyq bólimshelerdiń basshylary úshin 2 514 ruqsat (ekinshi sanat). Tartylǵan ShJK negizgi bóligi úshinshi (mamandar) jáne tórtinshi (bilikti jumysshylar) sanattarǵa jatady – tıisinshe olar 4 711 jáne 1 010 adam. Sondaı-aq maýsymdyq jumystarǵa 1 217 adam, al korporatıvtik aýystyrý aıasynda 3 563 adam tartyldy», dep habarlady Eńbek jáne halyqty áleýmettik qorǵaý mınıstrligi.
Shetel jumys kúshin eń kóp ekonomıkalyq salalar qurylys, aýyl sharýashylyǵy, óńdeý ónerkásibi jáne taý-ken ónerkásibi tartady. Eńbek mıgranttary negizinen Qytaıdan (4 945 adam), Úndistannan (1 169 adam), Túrkııadan (1 165 adam) jáne О́zbekstannan (1 056 adam) keledi.
