Sýret: akshamat.kz
Ekinshi deńgeıli 21 banktiń 11-i shaǵyn jáne orta bıznes pen jeke kásipkerlik sýbektilerine kepilsiz kredıtter beredi. Eń tıimdi nesıeni «ForteBank» usynady. Bul banktiń jyldyq tıimdi syıaqy mólsherlemesi (JTSM) – 19,61%. Ol marketpleıstegi satýshylarǵa arnalǵan. JK jáne JShS-ler 36 aıǵa deıingi merzimmen 20 mln teńgege deıingi somada nesıe rásimdeı alady. Tıimdi usynys bildirýshiler qatarynda «Freedom Bank» (21,8%), «VTB Bank Qazaqstan» (27,8%) jáne «Nurbank» (28,9%) bar.
Jalpy, segmenttegi eń az JTSM 19,61% bolsa, eń joǵarǵysy – 44,20%. Endi ár banktiń JTSM-yn jeke-jeke aıtyp ótelik:
«ForteBank» – 19,61%
«Freedom Bank» – 21,80%
«Freedom Bank» – 25,30%
«ForteBank» – 25,60%
«Sentr KredıtBanki» – 27,76%
«VTB Bank Qazaqstan» – 27,80%
«Nurbank» – 28,90%
«Bank RBK» – 29,20%
«Sentr KredıtBanki» – 30,28%
«Bereke Bank» – 31,60%
«Eýrazııalyq bank» – 32,00%
«Jusan Bank» – 44,20%
Bankter usynatyn maksımaldy soma kólemi men merzimi de ár alýan.
Bankterdiń bızneske arnalǵan nesıe portfeliniń kólemi 2023 jyly jeltoqsanda 13,1 trln teńgeni qurap, 2024 jyldyń tamyzyna deıin sonshalyqty qatty aýytqı qoımaǵan. Portfel kólemi 2024 jyldyń qyrkúıeginde 14,1 trln teńgege jetedi. Sodan jeltoqsanǵa deıin úzdiksiz ósedi: 15,3 trln teńge. 2025 jyldyń qańtaryndaǵy jaǵdaı boıynsha bızneske arnalǵan qorjyndaǵy qarjy kólemi – 14,9 trln teńge.
