Atalmysh is-shara sheteldikterdiń qazaq mádenıetine degen qyzyǵýshylyǵyn damytýǵa yqpal etýde. Baldyń dástúrli qonaqtary – dıplomatııalyq korpýs ókilderi, halyqaralyq uıymdar men kompanııalardyń basshylary. Is-sharanyń uıymdastyrýshysy – QR Mádenıet jáne aqparat mınıstrligi.
Naýryz – jańarý, birlik pen berekeni bildiretin ulttyq meıram. Sondyqtan bul dıplomatııalyq korpýs ókilderine Qazaqstannyń baı mádenı murasyn tanystyrý úshin taptyrmas múmkindik. Keshtiń sánin elordadaǵy úzdik shyǵarmashylyq ujymdar men ónerpazdar keltirdi. Baǵdarlamanyń basym bóligi folklorlyq jáne etnıkalyq nómirlerden turdy.
«Naýryz bal» jobasy mádenı baılanystardy nyǵaıtýǵa jáne Qazaqstandaǵy halyqaralyq yntymaqtastyqty damytýǵa baǵyttalǵan. Qazirgi álemde mádenı dıplomatııa eldiń jaǵymdy ımıdjin qalyptastyrýda mańyzdy ról atqarady, sondyqtan mundaı is-sharalardy ótkizý qoǵamdyq jáne memlekettik saıasattyń ajyramas bóligine aınaldy.
