Seısmologııalyq stansııalar jelisi Merki aýdanynda epıortalyq aımaǵynda ornalastyrylǵan. Trıangýlıasııa ádisimen jumys isteıtin úsh qosymsha jyljymaly stansııa ornatyldy. Olar epıortalyqtan 30-80 km radıýsta: jer qyrtysynyń qozǵalysyn, jer asty mıkrodúmpýlerdi jáne jer asty shýlardy anyqtaıdy.
Bul derekter yqtımal aftershok belsendiligin egjeı-tegjeıli zertteýge jáne yqtımal táýekelderdi baǵalaýǵa múmkindik beredi.
Jınalǵan derekter jedel rejımde seısmıkalyq jaǵdaıdy baǵalaý jónindegi komıssııanyń taldaýy men jumysy úshin Ortalyq seısmıkalyq observatorııaǵa beriledi. Nátıjesinde qorytyndy daıyndalyp, Qazaqstan TJM Komandalyq ortalyǵyna jiberiledi. Bul naqty ýaqyt rejıminde jaǵdaıdy taldaýǵa jáne halyqtyń qaýipsizdigin qamtamasyz etý úshin qajetti sharalardy qabyldaýǵa múmkindik beredi.
«Qazirgi ýaqytta Jambyl oblysynda TJM SBZǴO 9 seısmologııalyq stansııasy jumys isteıdi, olardyń biri – keshendi, birneshe parametrlerdi taldaý múmkindigi bar. Qosymsha stansııalar baqylaý dáldigin jaqsartady jáne seısmıkalyq belsendiliktiń ózgerýine jedel den qoıýǵa kómektesedi», - delingen habarlamada.
