Foto: UOK
Ashylý rásimine Ulttyq Olımpıadalyq komıtetiniń prezıdenti, World Boxing Olımpıadalyq komıssııasynyń tóraǵasy Gennadıı Golovkın qatysty.
Is-sharaǵa Brazılııa boks federasııasynyń tóraǵasy Markos Kandıdo de Brıto, panamerıkalyq boks konfederasııasynyń prezıdenti Elız Senol jáne WB Bas hatshysynyń mindetin atqarýshy Maık Makattı sóz sóıledi.
Gennadıı Golovkın boksty Los-Andjeles-2028 Olımpıada oıyndarynyń baǵdarlamasynda saqtap qalýdyń mańyzdylyǵyn jáne bul sport túrin ári qaraı damytý qajettiligin aıtty.
Sonymen qatar Gennadıı Golovkın ótip jatqan Álem kýbogynyń Ońtústik Amerıkada boks sportynyń tanymaldylyǵyn arttyrýdaǵy mańyzdylyǵyn atap ótti. Olımpıadalyq komıssııanyń tóraǵasy bul saıystardyń sportshylardy aldaǵy Olımpıada oıyndaryna daıyndyqtyń mańyzdy kezeńi bolatynyna senim bildirdi.
Aıta keteıik, Brazılııadaǵy Álem kýbogynyń birinshi kezeńine 18 elden 130 boksshy qatysýda. Týrnırdiń kelesi kezeńi Qazaqstanda 30 maýsym men 7 shilde aralyǵynda ótedi. Al 21 men 27 shilde aralyǵynda taǵy bir kezeńi kúntizbede bar. Jarystyń ótetin orny keıinirek habarlanady. Álem kýbogynyń fınaldyq kezeńi 15–22 qarashada Úndistanda josparlanǵan.
Sondaı-aq, 2025 jyly World Boxing álem chempıonatyn uıymdastyrady. Bul bedeldi týrnır 4-14 qyrkúıek aralyǵynda Ulybrıtanııada ótedi.
