Qazaqstanǵa qyzmet etemin!

QAÝIPSIZDIKTI QAMTAMASYZ ETÝ jaýyngerlik jaýapty mindet Gvardeıskide qorǵanys vedomstvosynyń basshysy Ádilbek Jaqsybekovtiń tóraǵalyq etýimen Qazaqstan Respýblıkasy Qorǵanys mınıstrliginiń kóshpeli alqa otyrysy bolyp ótti. Alqa otyrysynda birinshi jar­ty­jyl­dyqtaǵy jaýyngerlik ázirliktiń qorytyndysy jáne áskerlerdegi jaýyngerlik da­ıyn­dyqtyń sapasyn arttyrý máselesi qaraldy. Qazaqstan Armııasy qarý-jaraǵy men áskerı tehnıkasynyń damý tujyrymdamasy, sonymen birge Qazaqstan Respý­blı­kasy Qa­rýly Kúshteri basshy qu­ra­my­nyń áskerı tártip pen quqyqtyq tártipti qamtamasyz etýdegi jumysy talqylandy. – Qarýly Kúshterdiń basty min­detteriniń biri qazirgi zamanǵy qaýip-qaterlerge jaýap bere alatyn ás­ker­lerdiń jaýyngerlik jáne jedel ázir­ligi kórsetkishteriniń sa­pa­syn kóterý, kásibı áskerı bas­qarý korpýsyn qurý bolyp taby­la­dy, – dep atap kórsetti alqa oty­ry­synda Qorǵanys mınıstri Ádil­bek Jaqsybekov. – Bul el Prez­ı­denti – Qazaq­­stan Qarýly Kúshteri Joǵarǵy Bas qolbas­shy­synyń Qarýly Kúshterdiń jaýyngerlik ázirligi men básekege qabilettiligin art­tyrý talabyn alǵa qoıady. Jaýyngerlik ázirlik Qarýly Kúshterdiń tehnı­ka­lyq jaraq­tan­dy­ry­lýy­men tikeleı baılanysty ekendigi belgili. Osy maq­satta Qorǵanys mınıs­tr­li­gin­de qarý-jaraq pen áskerı tehnıkany da­my­týdyń Tujy­rymdamasy jasalýda. El Qarýly Kúshteriniń Jo­ǵar­ǵy Bas qolbasshysy sonymen birge rezervtegilerdiń de sapaly da­ıyn­dyǵyna zor mán beredi. Meml­e­ke­timizdiń táýelsizdigi men tutastyǵyn qorǵaý jáne basqa da min­det­terdi tolyq­qan­dy júzege asyrý jeke qu­ramnyń daıyn­dy­ǵyna jáne armııa­nyń za­ma­naýı qarý-jaraqpen qam­ta­masyz eti­l­ýi­ne de baıla­nys­ty. Qalyptasqan dástúr bo­ıyn­sha, bıylǵy jy­ly Kons­tı­týsııanyń 15 jyl­­dyǵyna áskerı sherý ótkizilip, Qa­zaqstan armııasynyń jaýyn­gerlik qýaty kórsetilmek. Alqa otyrysynda atap ótil­gendeı, jalpy Qarýly Kúsh­terde Otanymyzdyń qaýipsizdigin qam­tamasyz etýge baılanysty jos­parly jumystar júrgizilýde. О́tken jyly Qorǵanys mınıs­tr­liginiń qurylymynda Áskerı-tehnıkalyq saıasat departamenti dúnıege keldi. Bul sheshim ýaqyt talabyna saı júzege asyryldy, departamenttiń qyzmeti qazirdiń ózinde jemisin berýde. Depar­ta­menttiń basta­masymen “KADEX–2010” birinshi halyq­aralyq qarý-jaraq jáne áskerı-tehnıkalyq múlik kórmesi uıymdastyryldy. Qazirgi tańda áskerı-tehnı­ka­lyq saıasat tujyrymdamasy ázir­lený ústinde, bul salada halyq­aralyq baılanystar keńeıýde. – Jetken jetistiktermen shektelip toqtap qalýǵa negiz joq, áli atqarylatyn ister jetkilikti, otandyq qorǵanys kásip­or­yn­darymen baılanysty keńeıtip, nyǵaıta túsken jón. Buǵan res­pýb­lıka Úkimetiniń sheshimimen Qor­ǵanys mınıstr­li­gi­niń quramyna engen “Ka­zın­jı­nı­rıng” UK AQ pen “Kaz­vz­ryv­prom” AQ múmkindik týǵyzady dep atap ótti, –qorǵanys vedom­stvosynyń basshysy.– Son­daı-aq memlekettik qorǵanys tapsy­rysynyń sapaly oryndalýy úshin birlesip jumys isteý qajet. Osyǵan oraı áskerı alqa qarsańynda Qorǵanys mınıstri Ádilbek Jaqsybekov qorǵanys ónerkásibi basshylarymen kezdesip, keńes ótkizgen bolatyn. Keńesti ótkizýdiń basty sebebi áskerı maqsattaǵy ónim­der­di óndiretin otandyq kási­p­or­yn­dardy kóptep tarta otyryp, qarý-jaraq pen áskerı teh­nı­kany damytý, tehnologııalyq je­til­dirý másele­le­riniń negizgi baǵyttaryn talqylaý. Sondaı-aq, mınıstr ǵylymı jáne joǵary tehnologııalyq ón­diris oryndaryn qurý, áskerı maq­sattaǵy jańa ónimder óndiretin qor­ǵanys kásiporyndaryn damytý jo­lymen áskerimizdiń qorǵanys qa­biletin jetildire túsetinin atap ótti. – Biz birlesken áskerı-tehnıkalyq saıasat júrgizý arqyly memleketimizdiń qaýipsizdigin qam­ta­ma­syz etý úshin qarý-jaraq pen áskerı tehnıka suranysyn anyqtaı alamyz, – dep atap ótti Qorǵanys mınıstri. – Osy saıasattyń áskerler men áskerı quralymdarǵa tıim­di­liginen Qarýly Kúshterdiń jaýyn­gerlik ázir­ligi men jaýyngerlik qabiletin anyqtaýǵa bolady. Áskerı alqa otyrysynda so­nymen qatar áskerı tártip máselesi de keńinen talqylandy. Qarýly Kúshterde júrgizilgen áskerı jáne quqyqtyq tártip sarap­tamasy kórsetkendeı, sońǵy ýaqytta bul máselede ilgerileýshilik basym. Qorǵanys mınıstri áskerı tártipti jetildirý jumystary boıyn­sha jaýapty tulǵalarǵa naqty tapsyr­ma­lar qoıdy. Onyń ishinde tárbıeshi ofıserlerge bólimder men bólim­she­lerde “kósh­basshylyq qozǵalystar” júıesin engizý qajettigi de aıtyldy. Qorǵanys vedomstvosynyń bas­shy­sy 2010 jyldyń ekinshi jar­ty­syna tapsyrmalar berdi. Onyń ish­in­de áskerler men basqarý organ­da­ry­nyń jaýyngerlik deńgeıin arttyrý bar. Alqa otyrysynda ústimizdegi jylǵy qyrkúıek aıynda ShYU sheńberinde ótetin “Beıbit mıssııa” atty terrorǵa qarsy jattyǵýlaryn ótkizý máselesi de talqylandy. Alqa otyrysynan soń mınıstr Garnızondyq ofıserler úıinde Qazaqstan Qarýly Kúshteriniń basshylyq quramymen jeke qalyp, osy jattyǵýǵa daıyndyq barysyna qatysty alqaly keńes ótkizdi. Onda uıymdastyrý jumystary, ásker­lerdi, Oqý ortalyǵynyń ny­sandary men ınfraqurylymyn da­ıyndaý, gar­nızonnyń oqý-ma­terıaldyq ba­zasy máseleleri keńinen qarastyryldy. Júnis OMAR, polkovnık.