Sýret: cnews.ru
Qandaı ózgerister bar? Tizip shyǵaıyq. Birinshiden, bank kartalary endi tek óz nómirińizge tirkeledi. Iаǵnı bankter barlyq shot pen kartalardy tek azamattyń óz atyna rásimdelgen otandyq telefon nómirine baılaıdy. Bul qarjylyq operasııalardy baqylaýdy kúsheıtip, bóten adamdardyń bireýdiń atynan karta rásimdeýine tosqaýyl qoıady.
Ekinshiden, 18-21 jas aralyǵyndaǵy jastar onlaın karta ala almaıdy, qaıta shyǵarýǵa da ótinish bere almaıdy. Bul jas ereksheligine baılanysty qaýipterdi azaıtyp, qarjylyq alaıaqtyqtyń aldyn alý úshin jasalǵan. Endi jas azamattar bank kartasyn rásimdeý úshin bank bólimshesine ózderi baryp, jeke basyn rastaýǵa tıis.
Úshinshiden, sheteldikterge bank kartasyn alý qıyndaıdy. Elimizde júrgen sheteldik azamattar endi bank kartasyn alý úshin ózderiniń elde zańdy túrde júrgenin dáleldeýi kerek. Buǵan qosa, jańa karta ashylǵannan keıingi alǵashqy 3 aı ishinde barlyq qarjylyq operasııa muqııat baqylanady. Eger jasalǵan aýdarymdar kúdikti bolyp, klıenttiń kórsetken maqsatyna sáıkes kelmese, qosymsha tekserý júrgiziledi.
Tórtinshiden, QNRDA alaıaqtyq shemalardy boldyrmaý maqsatynda «bir adam – bir karta» qaǵıdasyn engizýdi josparlap otyr. Iаǵnı ár azamat tek bir tólem kartasyn ǵana paıdalana alady. Degenmen bul shekteý arnaıy áleýmettik tólemder úshin ashylǵan kartalarǵa, balalar kartalaryna jáne nesıe kartalaryna qoldanylmaıdy.
Besinshiden, onlaın nesıe rásimdeý qıyndaıdy. Birinshi ret nesıe alǵysy keletinder endi onlaın ótinim bere almaıdy. Olar mindetti túrde qarjy uıymynyń keńsesine baryp, jeke basyn rastaýy kerek. Bul qadam nesıe tarıhy joq azamattardyń oılanbaı nesıe alýyn shekteýge ári olardyń tólem qabilettiligin muqııat tekserýge baǵyttalǵan.
Qarjy salasyndaǵy sarapshylar bul ózgerister qarjylyq tártipti nyǵaıtyp, zańsyz qarajat aınalymyna tosqaýyl qoıady dep esepteıdi. Alaıaqtardyń jalǵan shottar ashyp, basqa adamdardyń atynan karta rásimdeýin boldyrmaıdy degen úmit bar.
