Úndistan – Ortalyq Azııa forýmy

Halyqaralyq is-sharanyń basty maqsaty – dostyq baılanystardy nyǵaıtý jáne jastardy Úndistannyń mádenıetimen tanystyryp, zamanaýı damýyn kórýge múmkindik berý. Iskerlik baǵdarlama aıasynda qatysýshylar jas­tar saıasaty, sport jáne sıfrlan­dyrý salalaryna jetekshilik etetin mı­nıstrlermen kezdesti. Sondaı-aq olar jergilikti atqarýshy organdar men Úndistannyń jetekshi oqý oryndarynyń jumysymen tanysty.

Týrıstik baǵyt boıynsha jastar Delıge, Goaǵa, Agraǵa sapar shegip, Táj-Mahal, Agra qamaly jáne basqa da tarıhı oryndardy aralady.

Forýmnyń alǵashqy kúni qatysý­shy­lar Agraǵa saparlap, álemniń jeti keremetiniń biri Táj-Mahal kesenesin kórdi. Tutastaı aq mármárdan tur­ǵy­zylǵan sáýlet óneri jastardy tamsandyrmaı qoımady. Kelesi kúni bes eldiń delegasııasy Goa shtatyna attandy. Kún, qum jáne teńiz ólkesi sanalatyn Goa Úndistannyń eń kishkentaı bolsa da, baı shtatynyń biri sanalady. Ortalyq Azııa jastary Goanyń saýda jáne ónerkásip palatasy basshylarymen, Jastar isi jáne sport mınıstrliginiń ókilderimen júzdesti.

Sondaı-aq qatysýshylar Goa shtatynyń gýbernatory jáne bas mınıstrdiń jeke qabyldaýynda boldy. Keıin jastar Goa menedjment ıns­tıtýtyna at basyn buryp, plantasııany aralady.

Delıde jastarymyz Úndis­tannyń Syrtqy ister mınıstri Sýbrama­nııam Djaıshankarmen kezdesti. Kezdesýde Qazaqstan men Úndistan arasyndaǵy tarıhı, ekono­mıkalyq jáne mádenıe baılanystar týraly sóz sóılep, pikir almas­ty. Forýmnyń qorytyndy keshinde Jastar isi jáne sport mınıstri Mansýh Mandavııa Ortalyq Azııadan kel­gen júz jasty qabyldap, syı-sııapat jasady. Ár memleket­tiń kóshbasshy­lary ­laýazymdy tulǵa­lar aldynda sóz ­sóı­lep, óz elderinde ­jastar saıasaty qa­laı júrgiziletinin aıtty.

Forým qatysýshylary álemdik úzdik oqý oryndardyń qataryna kire­tin Úndistannyń tehnologııa ınstıtýtyna at basyn buryp, zerthanasyn aralap kórdi.

– Úndistan men Ortalyq Azııa elderimen qarym-qatynasy óte tereńde jatyr. Bul sapar bizge sol eldiń damýy, ınfraqurylymy, ke­deılik deńgeıin tómendetý jónindegi kúsh-jigeri jáne keıingi jyldardaǵy áleý­mettik-ekonomıkalyq ózgeristeri týraly tereń túsinik berdi. Sapar ba­ry­synda alǵan tájirıbemiz ben áse­ri­miz Úndistan men Ortalyq Azııa ara­syndaǵy halyqaralyq baılanys­tar­­dy nyǵaıtyp, uzaqmerzimdi baıla­nys­tar­dy ornatýǵa yqpal eteri anyq, – dedi forýmǵa qatysýshy jas Áljan Sháripov.