Foto: zh-shugylasy.kz
Atyraý qalalyq ákimdiginiń baspasóz qyzmetinen málim etkendeı, jer telimin alý kezeginde 30 myńnyń shamasynda adam tur.
«Qalalyq ákimdik tarapynan Atyraý qalalyq máslıhaty turaqty komıssııasynyń 2024 jylǵy 11 qyrkúıektegi jıynynda «2007 jyly jer kezegine turǵan azamattarǵa Qaınar turǵyn úı alabynan jer ýchaskelerin berý» týraly usynys jasalǵan edi. Usynys maquldanyp, 2024 jyldyń 1 qazanynan bıylǵy 12 naýryzǵa deıin atalǵan turǵyn úı alabyndaǵy 530 jer ýchaskesi turǵyndarǵa tolyǵymen tabystaldy. Jer ýchaskesin alǵan azamattar 2007 jyly jer alý kezegine turǵan», dep málimdedi ákimdiktiń baspasóz qyzmeti.
Ákimdiktiń aqparatyna súıensek, 13 naýryzdan beri jer telimin berý ýaqytsha toqtatylǵan.
«2025 jyldyń 13 naýryzynan bastap 2007 jyly jer alý kezegine turǵan azamattarǵa jer ýchaskelerin tabystaý jumysy ýaqytsha toqtatyldy. Aldaǵy ýaqytta basqa da turǵyn úı alaby daıyn bolyp, ınjenerlik jelileri tolyq júrgizilgennen keıin jer ýchaskelerin tabystaý qaıta jalǵasatyndyǵyn habarlaımyz, dep naqtylady ákimdiktiń baspasóz qyzmeti.
