Jol qozǵalysy qaýipsizdigin qamtamasyz etý jáne sıfrlyq tehnologııalar ortalyǵynyń dırektory jeke kásipkermen kelise otyryp, jol belgilerin qoıý jumystary oryndaldy dep jalǵan kelisim-shart jasasqan. Tergeý barysynda jumys oryndalmaı, bıýdjet qarjysynyń esepshotqa túsken boıy qolma-qol aqshaǵa aýdarylǵany anyqtaldy.
Qalalyq sot ortalyq dırektory men jeke kásipkerdi QR QK 189-baby 4- tarmaǵymen aıypty dep tanyp, tapsyrys berýshini 8 jylǵa, merdigerdi 7 jylǵa bas bostandyqtarynan aıyrý jazasyna kesti.
Úkim zańdy kúshine engen joq.
Ortalyq dırektory segiz jyl jaza merzimin ótegennen keıin de ómir boıy memlekettik qyzmetke alynbaıdy. Sondaı-aq, sottalýshy merdiger de jazasyn ótegennen keıin 10 jyl kásipkerlikpen aınalysa almaıdy.
