Sýret: altyalash.kz
«Ardagerler uıymy» RQB Ortalyq keńesiniń tóraǵasy Baqtyqoja Izmuhambetov atap ótkendeı, bul plenýmnyń jumysy negizinen Prezıdent Qasym-Jomart Toqaevtyń bastamalaryn qoldaýǵa arnaldy. Búginde Memleket basshysynyń el aldyna qoıǵan basty maqsaty – Ádiletti Qazaqstandy qurý. Osy jolda elimizde talaı ıgilikti is atqarylyp jatyr. Bolashaqqa keleli mindetter qoıyldy. Onyń birqatary jýyrda Býrabaıda ótken Ulttyq quryltaıdyń tórtinshi otyrysynda da aıtylǵan edi.
B.Izmuhambetov sol otyrys barysynda Memleket basshysy Q.Toqaevtyń aldynda ulttyq qundylyqtarymyz – el ishindegi til men dinge, ysyrapshyldyqqa qatysty keleńsizdikterdi másele retinde kótergenin málimdedi. Sonymen qatar TMD elderi Prezıdentteriniń kezdesýinde «2025 jyl Jeńistiń 80 jyldyǵy jáne nasızmge qarsy kúrestegi birlik jyly» dep jarııalanǵanyn tilge tıek etti.
Jıynda baıandama jasaǵan mınıstr Aıda Balaeva Prezıdenttiń tapsyrmasyna sáıkes, vedomstvo arnaıy jobany daıyndaýdy bastaǵanyn málim etti. Onyń aıtýynsha, bul qujatta memlekettiń ıdeologııalyq jumysyndaǵy maqsat-mindetter men basymdyqtar aıqyndalady. Sondaı-aq mınıstrlik tarapynan vedomstvolyq marapattardy tapsyrý júıesin retteý jáne marapattalǵandar tizimin júrgizý boıynsha jumystar júrgizilip jatqany aıtyldy. Parlament qaraýyna onomastıka salasy men qaıyrymdylyq qarajattaryn jınaýdyń ashyqtyǵyna baǵyttalǵan zań jobalarynyń toptamasy usynylǵany sóz boldy.
A.Balaevanyń aıtýynsha, kınoındýstrııany memlekettik qarjylandyrýdyń ashyqtyǵyn arttyrýǵa baǵyttalǵan «e-Kıno» biryńǵaı monıtorıng júıesi ázirlengen. Sonymen qatar eldegi mýzeılerdiń vırtýaldy jelisi – «e-Museum» veb-portaly tanystyrylady.
Bıyl Jeńistiń 80 jyldyǵyn merekeleýdiń ulttyq baǵdarlamasy aıasynda jyl boıy elimizdiń barlyq óńirinde 2 myńǵa jýyq is-shara ótkizý josparlanyp otyr. Jeńis kúni men Otan qorǵaýshy kúnine arnalǵan saltanatty konsert uıymdastyrylady. «Qazaq eli» monýmenti alańynda áskerı parad ótip, ol elimizdiń barlyq iri telearnasynan tikeleı efırde kórsetiledi.
«Batyrlarǵa taǵzym» portalynyń qyzmeti keńeıtildi. 27 naýryzdan bastap «Qazaqstan» telearnasynda «Erjúrek esimder» jobasy iske qosyldy. Atalǵan joba aıasynda arna efırinen soǵys batyrlary jaıynda 80 beınerolık kórsetiledi», dedi A.Balaeva
Sonymen qatar «Qazaqfılm» kınostýdııasy óńirlik kınoteatrlarda kórsetiletin 19 ulttyq fılmnen turatyn arnaıy toptama ázirledi.
