Bular klınıkalyq jáne epıdemıologııalyq kórsetkish bop tabylady. Sonyń ishinde sapaly jáne sezimtaldyǵy joǵary taldaýǵa IHLT dıagnostıkasy jatady. Bul ádistiń aýqymy jyldan jylǵa keńeıip keledi. Máselen IHLT arqyly 2022 jyly – 56411 tekserý júrgizilse, byltyr onyń sany - 133459 kóbeıgen.
AITV-ǵa tekserilýshiler qatarynyń artýyna baılanysty Shymkent qalasy JITS ortalyǵynyń dıagnostıkalyq zerthanasynda bıyl sáýir aıynan bastap burynǵy apparat MAGLUMI 2000 Plus IHLA-nyń ornyna jańa jetildirilgen túri MAGLUMI X3 avtomatty IHLA qondyrǵysy iske qosyldy.
MAGLUMI X3 – medısınalyq zerthanalarda hemılıýmınessensııalyq ımmýndyq taldaý (CLIA) arqyly dıagnostıka júrgizetin analızator. Ol ártúrli aýrýlardy tabýǵa kómektesedi. Gormon, vıtamın, aqýyz sol sekildi qandaǵy ártúrli bıomarkerlerdiń deńgeıin anyqtaıdy. Iаǵnı keń aýqymdy synaqtar júrgizedi.
Sonymen qatar MAGLUMI X3 – jıi juqpaly aýrýlardy, qalqansha beziniń aýrýlaryn, kardıologııalyq jáne onkologııalyq dertterdi dıagnostıkalap beredi. Onyń basty ereksheligi joǵary sezimtaldyǵy men dáldiginde. Zerthana mamandary úshin apparat taptyrmas qural.
Atalmysh analızator IFA-men salystyrǵanda taldamany dál oryndaıdy jáne tereń tekseredi. О́ıtkeni ólsheý júıesi «tikeleı» ımmýnohılıýmınessensııaǵa negizdelgen. Analızator antıgenniń optıkalyq tyǵyzdyǵyn, sosyn antıdeneniń tyǵyzdyǵyn bólek-bólek sanap nátıjesin shyǵarady. Naýqastyń AITV-ny jaqyn arada juqtyrǵanyn oń nátıje kórsetken antıgeniniń optıkalyq tyǵyzdyǵyn salystyrmaly taldaý arqyly bilýge bolady.
Analızatordyń taǵy bir artyqshylyǵy birinshi analız qorytyndysyn 55 mınýttan keıin daıyn etedi. Kelesi qan synama nátıjeleri 20 sekýnd saıyn shyǵyp otyrady. Bul apparat tolyq avtomatty rejımde jumys istep, bıologııalyq materıaldyń (qannyń) bir-birimen aralasyp ketýine jol bermeıdi, zerthanashynyń shatasyp ketý múmkindigin boldyrmaıdy. О́ndiris qýaty saǵatyna 200 taldaý jasaýǵa qaýqarly.
Qysqasy MAGLUMI X3 zerthananyń óndiristik qýatyn arttyrýǵa, seronegatıvti tereze kezeńin 2-3 aptaǵa deıin qysqartýǵa, sondaı-aq kúmándi nátıjeler sanyn azaıtýǵa múmkindik beredi.
