Foto: Ashyq derekkóz
Eńbek jáne halyqty áleýmettik qorǵaý mınıstrliginiń málimetinshe, 2025 jylǵy 1 sáýirdegi jaǵdaı boıynsha zeınetkerler sany – 2 mln 465 myń adamdy quraǵan.
«2025 jylǵy 1 sáýirdegi jaǵdaı boıynsha jıyntyq zeınetaqynyń ortasha mólsheri 143 622 teńgeni qurady, onyń ishinde yntymaqty zeınetaqy mólsheri – 95 963 teńge, bazalyq zeınetaqy – 47 659 teńge boldy», delingen habarlamada.
Buǵan deıin, 2025 jylǵy 1 qańtarda bazalyq zeınetaqy tóleminiń mólsheri QR Ulttyq Banki aıqyndaıtyn ınflıasııanyń boljamdy deńgeıine sáıkes 6,5%-ǵa, yntymaqty zeınetaqy 8,5%-ǵa, ıaǵnı ınflıasııa deńgeıinen 2% - ǵa oza otyryp ulǵaıtylǵan.
Budan basqa Memleket basshysynyń tapsyrmasy boıynsha 2023 jyldan bastap bes jyl ishinde eń tómen bazalyq zeınetaqyny eń tómen kúnkóris deńgeıiniń 70%-na deıin, eń joǵary – 120%-ǵa deıin jyl saıyn kezeń-kezeńimen arttyrý júzege asyrylady.
