EL SÚIISPENShILIGINIŃ AIQYN AIǴAǴY

Nursultan Ábishuly Nazarbaev esimi eńbek joly ósýi basynda temirtaýlyqtarǵa ǵana emes, aýyl sharýashylyǵy salasy eńbekkerlerine de erte ta­nylǵanyn kópshilik bile bermeýi múmkin. Buǵan tikeleı kýágerlerdiń biri retinde súı­si­nis­pen eske alyp otyramyn. О́tken ǵasyrdyń 70-jyl­da­ryn­da Temirtaýdan onshalyqty alys emes tusta, Nura ózeniniń mal-janǵa jaı­ly boıynda Aman­geldi atyndaǵy keńshar ashyl­ǵan bolatyn. Dál sol kezde joǵary oqý ornyn bitirgen maǵan bas agronom min­deti júkteldi. Eki eski bólimshe biriktirilip, qu­ryl­ǵan jas sha­rýa­shylyqqa basshylyq jasaý el ishi­ne syıly azamat Tóleýtaı Shákirovke tapsyryldy. Is jańadan uıymdastyrylyp jatqan jerde birqatar qıyndyqtar ushyrasatyndyǵy belgili. Osyn­daı kezde sharýamyzdyń alǵa basýyna Qa­ra­ǵandy metallýrgııa kombınatynyń kóp kómegi tıdi. Buǵan deıin de aýylymyzǵa kelip turatyn, jer­gi­likti jurtqa etene tanymal, atalǵan óndiris orny­nyń jaýapty býyny qyzmetindegi Nur­sul­tan Na­zar­baevtyń qoldaýy bizge tilegendeı bol­dy. Turǵyn úıler, mektep, monsha, astyq qoı­ma­sy, qymyz ón­dirý sehy birinen soń biri boı kóterip, tez shańyraq bıiktetip qaldyq. Aýyl tur­ǵyndaryna máselelerdi sheshý jolyn kór­se­tip, talap-tilekteri oryndalýyn turaqty baqy­laý­da ustap, óndiristegi onsyz da qat-qabat ju­mys­tarǵa qaramastan, qashanda kómekke kelýge ýaqyt tabatyn. Amangeldilikter barynsha qam­qorlyq kórsetýge aıanbaıtyn jigitti óz adam­daryndaı kórip, baýyrǵa basty. Turǵyndar oı-usynystaryn, muń-múddelerin aldymen Nursultan Nazarbaevqa jaıyp, sózderi jerde qalmaıtyndyǵyn biletin. Bir kezdesýde 1100 tonnalyq astyq qoımasyn salý jaıly aıtyldy. Onyń jobasyn mamandarǵa jasatyp, smetalyq qunyn eseptetip, qurylystyń belgi­len­gen merzimde bitýine múmkindik týǵyzdy. Jasyratyny joq, ol ýaqytta negizinen baıyr­ǵy halyq shoǵyrlanǵan sharýashylyqtarǵa ynta-nıet yqylasty bola qoımaıtyn. Aýdan basshylary qolushyn sozbaq túgili, aılar boıy atizin sal­maı­tyn. Ábden erkinsingen olar qara­jat­ty, tehnıka­ny, jumysshy kúshin, maman­dar­dy ózderi qalaýyn­daǵy keńsharlarǵa úıip-tógip jiberip jatatyn. Mundaı salqyn qabaq Nur­sul­tan Ábishulynyń oblystyq deńgeıdegi jaýapty qyzmetke taǵaıyn­dalýynan bastap sap tyıyl­ǵa­nyn birden baıqadyq. Bir biz emes, Amantaý, Ba­lyqtykól, Marjankól sııaqty qazaqy aýyl­dar damýy jedeldegen edi. Ol kisiniń úlkendi syılaý, kishini qadirleý, ashyq, qarapaıym, janyna jaqyn tarta biletin minezderi bárimizge úlgi bolatyn. Birde asyǵys bolsa da meniń de otaýymdy attamaı, jas otbasymyzǵa qurmet kórsetkeni ómirimizde umytylmastaı saqtalyp qaldy. Búginde álem tanyǵan, halqymyzdyń baqy­ty­na aınalǵan Tuńǵysh Prezıdentimizdi biz erteden biletindigimizdi maqtan tutamyz. Jaq­sy­lyq nuryn sebýge jaratylǵan júrektiń jyly lebin kúnbe-kún sezinip kelemiz. Osyndaı bas­shy­sy bar elimiz bere­kesi berigip, mártebesi óse bereri sózsiz. Bıik adam­gershilikten, asqan máde­nıet­tilikten, halyq aldyn­da kishilikten aıny­ma­ǵan azamattyq qasıetin ja­qyndaǵy sheshim taǵy bir aıǵaqtady emes pe. Elba­synyń Otany­myz­dy gúldendirý jolyndaǵy eren eńbegi, qalt­qysyz qyzmeti barynsha aıan. Soǵan oraıǵy qur­met-mártebeni aıryqshalaý jónindegi usynysqa ustamdylyq kórsetýi parasattylyqtyń úlgisi dep bilemiz. Qazir kórip-tanyp júrgenimizdeı, qa­lyń qaýymnyń Prezıdent qarapaıym­dy­ly­ǵy­na razylyǵy tipti bólekshe. Halyq súıis­pen­shi­liginen artyq eshteńe joq. Oǵan el kýá. Beısembek ÁLKENOV, kásipker. Qaraǵandy oblysy. HALYQTYŃ QALAÝYN BILDIREDI Elimizdiń odan ári turaqty damýy men birligi jáne bolashaǵy úshin óte qajetti Konstıtýsııa­lyq zań qabyldanǵany barsha qazaqstandyq­tar­dyń oıynan shyqqany kúmánsiz. Osy arqyly Qazaqstan atty memleket álemdik deńgeıde ózi­niń abyroıy men salmaqty ornyn saqtap qala bermek. Jas memlekettiń osyndaı álem tanyǵan deń­geıge jetýi úshin Elbasy óziniń aqyl-oıy men parasatyn jáne tájirıbesin jumsap júrgeni aıan. Nursultan Ábishulynyń ózi Parlament qabylda­ǵan zańdy bekitýden bas tartsa da, halyq saılaǵan Parlament pen Úkimet basshylary qol qoıyp, ony zańdy kúshine engizdi. Muny Memleket basshysynyń eldiń Ata Zańyn joǵary turǵyda moıyndaı bilýiniń keremet kórsetkishi dep qabyldaýymyz kerek. Zańnyń aty – zań. Ony Prezıdent te, eldiń bar­sha azamattary da buljytpaı oryndaýy qajet. Ári muny ekinshi jaǵynan azamattardyń paryzy men aınymas boryshy dep qarastyrǵanymyz da oryndy. Bul – barsha qazaqstandyqtar is-qımy­ly­nyń baǵdary. Onyń ústine qabyldanǵan Kons­tı­týsııalyq zań halyqtyń erki men qalaýyn bil­dir­gen zań bolsa, onyń qadir-qasıeti odan ári arta túsedi. Iаǵnı, joǵaryda aıtyp ótkenimdeı, Parlamenttiń qos palatasynyń tóraǵalary Q.Toqaev pen O.Muhamedjanov jáne Premer-Mınıstr K.Másimov qol qoıǵan zań halyqtyń erkin bildire alýymen qundy dep esepteımin. Álibek SÁTBAEV, Batys Qazaqstan oblystyq jer qatynastary basqarmasynyń bastyǵy, Prezıdent belgilegen “Altyn barys” belgisiniń ıegeri. Batys Qazaqstan oblysy. PREZIDENT QYRANDARY QANAT QAQTY Qazaqstan Respýblıkasy Qorǵanys mı­nıstr­liginiń Kadet korpýsy – el Qarýly Kúshte­rindegi kásibı serjanttar mektebi. Qazaqtan shyqqan tuńǵysh kadet Shoqan Ýálıhanovtyń esimin ıelengen bolashaq Otan qorǵaýshylary ózderin “Prezıdent qyrandarymyz” deıdi. Bul kúnderi Kadet korpýsyn bitirgen júzdegen kásibı serjanttar Qarýly Kúshter sapynda abyroımen qyzmet atqaryp júr. Kadet korpýsy 1996 jylǵy 1 shildede Qa­zaq­stan Respýblıkasy Prezıdentiniń Jarly­ǵy­men qurylǵan. Atalǵan oqý ornynyń túlekteri jaýyngerlik bólimderde kishi komandırler laýa­zy­myna taǵaıyndalady. Keıinnen vzvod, rota, batalon, brıgada serjanty syndy jaýap­ker­shi­ligi mol laýazymdarǵa bekitiledi. Osy ýaqytqa deıin osy oqý ornyn 1286 kadet bitirip shyqqan. 26 maýsymda Kadet korpýsynyń 12 túlegi jańa ómirge joldama aldy. Ashyq esik jaǵ­daıynda ótken merekege olardyń ata-analary, týǵan-týys­tary kóptep qatysty. Jergilikti basqarý organ­da­rynyń, qoǵamdyq uıymdar men Qorǵanys mı­nıstrliginiń ókilderi kadetterdiń qýanyshyn birge bólisti. Saltanatta sóz alǵan Uly Otan soǵy­sy­nyń ardagerleri kadetterge sát sapar tilep, aq bata­laryn berdi. Antqa adaldyq, sertke beriktik sııaqty uǵymdar aqsaqaldar tarapynan molynan aıtyldy. Mereke meımandary kadetterdiń turmys-tirshiligimen keńinen tanysýǵa múmkindik aldy. Áskerı oqý ornynyń ofıserleri qonaqtarǵa jaý­yngerlik dańq murajaıy men qarý-jaraq pen áskerı tehnıka túrin kórsetti, dep habar­la­dy QR Qorǵanys mınıstrliginiń baspasóz qyzmeti.