«Kitap «Abyraly ańyzdary» dep atalǵanymen, munda el aýzyndaǵy ertegi-ańyzdar emes, aty ańyzǵa aınalǵan adamdar jaıynda derekter qamtylǵan. Resmı shekaralary birde qosylyp, birde ajyraǵan shejireli Shyńǵystaý, qazynaly Qarqaraly, eńseli Egindibulaq, aıbarly Abyraly, olardyń ortaq perzentteri Á.Ermekov, H.Ǵabbasov, M.Turǵanbaev, N.Nurmaqov sııaqty Alash arystary, jyr jampozy Janaq aqyn, ǵulama Aqjan Mashanı, qazaq ádebıetinde aıshyqty izin qaldyrǵan Saparǵalı Begalın, Tóleýjan Ysmaıylov, án bulbuldary Ámire men Bıbigúl... Bári de ańyz adamdar ǵoı. Sonymen qatar jas urpaq aǵa býynnyń salǵan izderin bile júrsin dep, Abyraly óńirinde týyp-ósken nemese belgili dárejede qatysy bar 200-den astam adamnyń qysqasha anyqtamalyq ómirbaıany berildi», deıdi avtor.
Qaıyrbek Shaǵyrdyń buǵan deıin «Tartylys», «Tebirenis tolqyndary», «Arsha ańqyǵan jaz», «Qalam men qamshy» atty óleńder men aýdarmalar jınaǵy oqyrman qaýymǵa jol tartqan edi. Bul jolǵy kitaptyń da óńir úshin rýhanı mańyzy zor, aıtary mol.
Abaı oblysy
