TikTok áleýmettik jelisinde 16-17 jas aralyǵyndaǵy jasóspirimder tapansha tárizdi zattardy ustap túsken birneshe fotosýret jarııalaǵan.
Jedel-izdestirý is-sharalary nátıjesinde alty jasóspirimniń jeke basy anyqtalyp, olar polısııa bólimine jetkizildi.
Tekserý barysynda anyqtalǵandaı, olardyń beseýi – Aqtóbe qalasyndaǵy joǵary jáne arnaýly orta oqý oryndarynyń stýdentteri, al bireýi – aýdandyq mektepterdiń biriniń joǵary synyp oqýshysy bolyp shyqty.
Jasóspirimderdiń birinen gazdy tapansha tárkilendi.
Tártip saqshylaryna olar bul áreketterge kontent úshin barǵandaryn, qorqytý men zorlyq-zombylyqty nasıhattaý maqsatynda emes, tek qyzyǵýshylyqtan jasaǵandaryn túsindirdi.
Atalǵan fakt boıynsha kámeletke tolmaǵandarmen jáne olardyń ata-analarymen profılaktıkalyq áńgimelesý júrgizilip, olar profılaktıkalyq esepke alyndy.
Jarııalanǵan posttar joıylyp, jasóspirimder oqıtyn bilim berý uıymdarynda qosymsha túsindirý jáne aldyn alý sharalary uıymdastyryldy.
