Sondaı-aq jeńildikter boıynsha soǵys ardagerlerine teńestirilgen 16 796 ardager, 26 553 basqa memleketterdiń aýmaǵynda urys qımyldarynyń ardagerleri, 39 588 soǵys jyldaryndaǵy tyl eńbekkerleri turady.
Bıyl atalǵan sanattardaǵy azamattarǵa 4,3 mlrd teńge somasynda arnaýly memlekettik járdemaqy tólendi. Jyl sońyna deıin osy maqsattarǵa 17 mlrd teńge bólinbek. Respýblıkalyq bıýdjetten beriletin aı saıynǵy arnaýly memlekettik járdemaqy ardagerlerdiń barlyq sanattaryna, ózge de áleýmettik tólemderdi alýyna qaramastan, mynadaı mólsherde tólenedi:
1) Ekinshi dúnıejúzilik soǵys ardagerleri – 16 AEK (2025 jyly – 62 912 teńge);
2) jeńildikteri boıynsha soǵys ardagerlerine teńestirilgen ardagerler, olardyń ishinde:
- Ekinshi dúnıejúzilik soǵys kezeńinde jaraqat alýy, kontýzııa alýy, mertigýi nemese aýrý saldarynan múgedektigi bar adamdarǵa jeńildikter boıynsha teńestirilgen adamdar – 7,55 AEK (2025 jyly – 29 687 teńge);
- jeńildikter boıynsha Ekinshi dúnıejúzilik soǵys qatysýshylaryna teńestirilgen tulǵalar – 6,19 AEK (2025 jyly – 24 339 teńge);
3) basqa memleketterdiń aýmaǵyndaǵy urys qımyldarynyń ardagerleri, onyń ishinde:
- Aýǵanstandaǵy urys qımyldaryna qatysýshylar – 6,19 AEK (2025 jyly – 24 339 teńge);
- Tájik-Aýǵan ýchaskesinde TMD shekarasyn qorǵaýdy kúsheıtý jónindegi mindetterdi oryndaǵan, Iraktaǵy halyqaralyq bitimgershilik operasııaǵa, Taýly Qarabaqtaǵy etnosaralyq qaqtyǵysty retteýge qatysqan áskerı qyzmetshiler – 4,8 AEK (2025 jyly – 18 874 teńge);
4) Ekinshi dúnıejúzilik soǵys jyldaryndaǵy tyl eńbekkerleri – 2,13 AEK (2025 jyly – 8 376 teńge) mólsherinde áleýmettik tólem alady.
