Gemofılııa – qany durys uıymaıtyn, sırek kezdesetin, tuqym qýalaıtyn kesel. Dúnıejúzinde osy aýrýǵa shamamen 10 000 adamnyń bireýi shaldyǵady. Eger em-domy der kezinde bastalamı, turaqty almastyrý terapııasy bolmasa, qan toqtamaýdyń aýyr saldary múgedektik pen ajalǵa dýshar etýi múmkin.
Degenmen, qazirgi tańda zamanaýı dıagnostıka men emdeý sırek kezdesetin keseldi meılinshe baqylaýda ustap, asqyný qaýpin azaıtyp otyr. Osynyń arqasynda gemofılııanyń aýyr túrine shaldyqqan naýqastardyń jasy búginde 75-77 jylǵa deıin uzarǵan. Biraq, mamandar birqatar máselelerdiń bar ekendigin alǵa tartty.
Sebebi naýqastardyń ǵana emes, eldiń de osy aýrýdyń erekshelikteri týraly bilimi jetkiliksiz. Keıbir naýqastar áleýmettik shetteý kórip, aınalasyndaǵylardyń túsinbeýshiligine jıi tap bolyp jatady. Oǵan qosa gemofılııa juqpaly eken degen de jańsaq pikir keń taraǵandyqtan, keıbir otbasylar alalaýshylyq pen áleýmettik kedergilerde tap bolyp jatady. Bir jaǵynan naýqastardyń ózi bolmashy jaraqattardyń aýyr, tipti ómirge qaýip tóndiretin jaǵdaıǵa jetkizýi múmkin dep úreılenedi.
Jáne býyn men basqa múshelerge udaıy qan ketýi sozylmaly aýyrsyný sezimin týdyryp, múgedektik qaýpin arttyrady jáne shuǵyl medısınalyq kómek alýǵa únemi ázir júrýdi talap etedi. Sondyqtan naýqastar jaraqattanyp qalmaýy úshin kóbinese belsendiligin shektep, óte saq ómir súrýge májbúr bolady. Alaıda, búginde gemofılııaǵa shaldyqqan naýqastardyń ómirinde sport mańyzdy ról atqaratyny dáleldengen. Júzý, jaıaý júrý, badmınton, sadaq atý, velosıped tebý, eskek esý, ústel tennısi sııaqty durys tańdalǵan, ózgelermen janaspaıtyn sport túrleri bulshyq etterdi nyǵaıtady, dene bitimin jaqsartady jáne qan ketý qaýpin azaıtady.
Baspasóz máslıhatynda Almaty qalasynyń bas shtattan tys balalar gematology, №2 qalalyq balalar klınıkalyq aýrýhanasynyń gematologııa bóliminiń meńgerýshisi Uljalǵas О́skenbaeva: «Talaı jyldan beri ýaqtyly dıagnostıka men almastyrý terapııasynyń zamanaýı ádisteri gemofılııamen týǵan adamdardyń taǵdyryn qalaı ózgertetinin kórip kele jatyrmyn. Otyz jyldaı buryn naýqastar balalyq shaǵynda-aq dertteri jıi asqynyp jatatyn. О́ıtkeni, aýrý erte balalyq shaqta anyqtalady, sol sebepti árbir naýqasqa basynan bastap durys emdeý ádisin tańdap, onyń tıimdiligin qadaǵalap otyrý mańyzdy», deıdi.
Osy arada Qazaqstanda gemofılııaǵa shaldyqqandardy emdeýdi memleket óz moınyna alyp otyrǵanyn jáne áriptes retinde «Takeda» farmasevtıkalyq kompanııasymen jumys istep otyrǵanyna atap ótken jón.
«Takeda Qazaqstan» JShS dırektory Mıhaıl Vladımırov ınnovasııalyq preparattar týraly aıta kele: «Biz medısınalyq sheshimderdi ǵana emes, sonymen qatar dárigerlerge arnalǵan bilim berý baǵdarlamalaryn, sıfrlyq quraldardy damyta otyryp, naýqastardyń ómir sapasyn jaqsartýǵa baǵyttalǵan áleýmettik bastamalardy qamtıtyn keshendi qoldaý júıesin qurýǵa umtylamyz, deıdi.
Farmakompanııa basshysy áleýmettik jaýapkershilik aıasyndaǵy mańyzdy bastamalardyń biri retinde byltyr jaryq kórgen «Álı jáne onyń ishki álemi» atty kitapty atady. Astarly ertegi óziniń sırek kezdesetin syrqatyn túsinýge, qorqynyshyn jeńýge úırenip jatqan balanyń ishki tolǵanysyna arnalǵan. Aıtqandaı, ótken jyly qazaq tilinde jaryq kórgen kitap suranysqa ıe bolyp, jýyrda aǵylshyn tilindegi nusqasy jaryqqa shyqpaq.
