Prezıdenttiń sózinshe, oblysta ekiden alty jasqa deıingi balalardyń 93,9 paıyzy balabaqshaǵa barady, ıaǵnı, 46 myń bala. Biraq oryn tapshylyǵy áli joıylǵan joq. 3,5 myńǵa jýyq bala kezekte tur.
«Bilim sapasyna qatysty túıtkilder bar. Byltyr mekteptegi bilim deńgeıin baǵalaý úshin oblysta arnaıy test ótkizildi. Oǵan qatysqan balalardyń 37 paıyzynyń bilimi tómen ekeni anyqtaldy. Byltyrǵy Ulttyq biryńǵaı testileýdiń nátıjeleri de máz emes. 1,5 myńǵa jýyq bala, ıaǵnı, 20 paıyzy oqýǵa túsýge qajetti eń tómengi baldyń ózin jınaı almaǵan. Bul – elimizdegi eń nashar kórsetkishtiń biri. Bıyl qańtar aıyndaǵy testileýge 8 myńnan astam oqýshy qatysqan. Onyń úshten biri shekti kórsetkishten óte almaǵan», dedi Q. Toqaev.
Sonymen qatar Memleket basshysy oblysta úsh aýysymdy mektepterdiń áli sheshimin tappaǵanyn synǵa alyp, «Samuryq-Qazyna» qory oblys ákimdigimen birlesip, jaıly mektepterdiń qurylysyn tezdetýi qajet ekenin atap ótti.
