KESAPATQA QARSY TURǴAN AKSIIа

Qostanaı qalasynyń ortalyǵyndaǵy qozǵalys kúndegiden kúsheıip ketkendeı. Tańerteńnen bastap ortalyq gúlzar, alań merekedegideı bezendirildi, jastar, qala turǵyndary aǵylyp kelip jatty. Shartarapty sharlaǵan mýzyka áýeni jazdyń jaıdary kúnimen birge adamdardyń kó­ńilin de ósirip jibergendeı. Dúnıejúzilik nashaqorlyqqa jáne zańsyz esirtki aınalymyna qarsy kúres kúnine oraı oblys ortalyǵynda ótken “Prezıdent komandasynda kúshti de, salamatty Qazaq­stan úshin!” aksııasyna qalanyń taıly-taıaǵyna deıin jınaldy. Qazir nashaqor­lyq úlkenniń de, kishiniń qulaǵyna túr­pideı estiledi. Oblystyq narkologııalyq dıspanserdiń nashaqorlyq profılaktıka­sy týraly jaǵalaı ilip tastaǵan plakat­tarynyń ózi bul kesapattyń tek qoǵamǵa ǵana emes, búkil adamzat tirshiligine qan­sha­lyqty qaýip ákeletinin eskertedi. Ortalyq alańǵa kelgen jurtshylyq “Men she­shim qabyldaımyn”, “О́mir aǵashy”, “Erkin ómir súr” degen trenıngtik jatty­ǵý­larǵa qatysty, esirtkini ıisshil ıtter arqyly tabý sııaqty kórsetilimderdi tamashalady. Esirtkige qarsy aksııa Qostanaı qala­synyń tek ortalyǵyn ǵana emes, barlyq shalǵaıyn qamtydy. Qalanyń ońtústik aýdanynyń turǵyndary №20 orta mektepte bul kezde “Nashaqorlyqqa jol joq!” ádebı keshine qatysty, úgit brıgadasy “Biz sa­lamatty ómir úshin!” konsertin qoıdy. “Júrekterdi jyrǵa toltyramyz” atty jas oryndaý­shy­lardyń án festı­vali de esirtkige qarsy aksııa sheńberinde ótti. Sport jarystary, ásirese, shahmat pen doıby, jeńil atletter jarystaryna negizinen jastar jaǵy qatysty. Sol kúni oblystyq narkologııalyq dıspanserde ashyq esik kúni ótti. – Eń bastysy esirtkiniń qaýpi men zııany týraly aqparatty jastardyń, balalardyń qulaǵyna quıa berý kerek. Osyndaı aksııalardyń paıdasy óte zor. Mundaı sharalar jastardyń qasiret pen salamatty, jarqyn ómirdiń aıyrymyna kóz jetkizýine jaqsy yqpal etedi. Olardy adaspaıtyn jolǵa salý qoǵamdaǵy árqaısymyzdyń min­detimiz, – deıdi oblystyq narkolo­gııalyq dıspanserdiń dárigeri Olga Prokýdına. Aksııa túnniń bir ýaǵyna deıin jalǵasty. “Adal kómek” qoǵamdyq qory jáne oblystyq ishki saıasat, bilim basqarmalarynyń ókilderi Qostanaı qalasynyń irgesindegi Qostanaı aýdanyna baryp, “Álem esirtkige qarsy” atty kósh­peli aksııa ótkizdi. Osyndaǵy “Zolotoı kolos” mádenıet úıine jınalǵan aýdan turǵyndary esirtkiniń zııany týraly áńgime tyńdady. Sonymen qatar, Qosta­naı qalasynyń shaǵyn aýdandarynda aksııa sheńberinde konsertter men jastar dıskotekalary ótti. Názıra JÁRIMBETOVA. QOSTANAI. SALAMATTY О́MIR – JASО́SPIRIMDER MAQSATY “Salamatty Qazaqstan” 2011-2015 baǵdarlamasy aıasynda bul kúnde oblysta uıymdastyrylyp jatqan sharalar kóp. Sonyń biri –Temirtaý qalasyndaǵy “Jas alash” balalar sporttyq ortalyǵynda ótti. О́ńirdiń barlyq aýdandarynan kelgen 14 jasqa deıingi jetkin­shek­terdiń sportty serik etken ókilderi ártúrli jarystarǵa qaty­syp, salamatty ómirdi qalyptastyrýǵa qatysty ǵalymdar men dárigerler dáristerin tyńdap, ony úlgili úrdiske aınaldyrý jolyndaǵy tálimdi tájirbıelerge qanyqty. Bul týraly úkimettik emes uıymdar, qoǵamdyq qozǵalystar jasóspirimder aldyna óz is-qyzmetterin baıan etti. Atalǵan sharanyń Temirtaýda ótýiniń ózindik sebebi de bar. Osynda adam densaýlyǵyna, aınalaǵa keselin tıgizetin orynsyz qylyqtarǵa urynýshylar balalar arasynda da az emes. Ásirese, olardyń esirtki zattaryn tutynýǵa áýestigi jurtshylyqty qatty alańdatqan qubylys.Búǵan deıingi ýaqytqa qaraǵanda osynaý jaman áreket báseńsigendeı bolǵanymen ázirge múldem tyıylyp otyrǵan joq. Keıingi kezde onyń jolyn kesý baǵytyndaǵy sharalardyń shıratylýy mereıli kúres yqpalyn kúsheıte túsip keledi. Qazir jetkinshekterdiń bos ýaqyttaryn mándi ári maǵynaly ótkizýine, teris qylyqtardan jırenip arylýyna qolaıly jaǵdaılar keń. Mektepter janynda demalý lagerleri, tabıǵaty kórikti jerlerde dene tárbıesimen, súıikti sport túrlerimen aınalysýlaryna múmkindik jetkilikti. Jazdyń naǵyz qyzǵan shaǵyndaǵy osynaý shara sonyń birine aınaldy. Salamatty ómir saltyn beriktirý eń aldymen jastaıynan boıǵa myqtap qonatyndyǵy , sińetindigi aıan. Oǵan temirtaýlyq órenderdiń ónege kórsetip, bastamashy bolýlary quptarlyq úrdis. Aıqyn NESIPBAI. TEMIRTAÝ.