Foto: Ashyq derekkóz
Depýtattar atalǵan bastamany balalardyń konstıtýsııalyq quqyqtaryn qorǵaý qajettiligimen túsindiredi. Qor arqyly alıment ýaqytyly tólenip, keıin boryshkerden memleket esebinen óndirilip alynýy tıis.
Sondaı-aq Májilis ókilderi jeke sot oryndaýshylaryna qatysty birqatar túbegeıli ózgeristerdi usyndy. Olar:
- Atqarýshylyq is júrgizýdiń ashyqtyǵy men tıimdiligin arttyrý úshin jeke sot oryndaýshylarynyń tártiptik jaýapkershiligin kúsheıtý;
- Kásibı talaptardy qatańdatý: attestattaýdan jáne taǵylymdamadan ótpegen adamdarǵa lısenzııa bermeý;
- Memleketten óndirip alý, talap qoıýdy qamtamasyz etý sııaqty keıbir ister boıynsha ońaılatylǵan is júrgizý tártibin keńeıtý.
Depýtattar boryshkerlerdiń tabys kózderin jasyrý jaǵdaılaryn azaıtý úshin olardyń elektrondy ámııandaǵy qarajatyn, býkmekerlik keńselerdegi utystaryn, baǵaly qaǵazdar men krıptovalıýtalardan túsken kiristi, blogıngten jáne taksı qyzmetinen nemese jelilik marketıngten tapqan tabysyn anyqtaýǵa múmkindik beretin tetikterdi ázirleýdi de usyndy.
Sonymen qatar, ishki ister organdarynyń sot oryndaýshylarynyń qatysýymen boryshkerlerdi májbúrlep jetkizý fýnksııasyn naqty quqyqtyq negizge otyrǵyzý qajet ekeni aıtyldy.
Jalpy, depýtattar Ádilet mınıstrligine óndirip alýshylar men boryshkerlerdiń quqyqtaryn teń dárejede qorǵaýǵa baǵyttalǵan, atqarýshylyq is júrgizýdi keshendi jetildirýge arnalǵan zańnamalyq ózgerister toptamasyn ázirleýdi tapsyrdy.
