Foto: Úkimettiń baspasóz qyzmeti
Elimizdegi materıaldyq emes mádenı mura elementteriniń ulttyq tizimi qaıta zerdelenip, buǵan deıin tirkelgen 45 elementtiń qatary 79-ǵa deıin ulǵaıǵan. Bul qadam ulttyq mádenıetti saqtaý men nasıhattaýǵa baǵyttalǵan mańyzdy bastama bolyp otyr.
Aıta keteıik, búginde Qazaqstannyń atynan «Adamzattyń materıaldyq emes mádenı murasy tizimine» engizilgen elementter sany 14-ke jetken. Bul – elimizdiń kópǵasyrlyq rýhanı jáne mádenı baılyǵynyń halyqaralyq deńgeıde moıyndalýynyń aıqyn kórinisi.
«Búginde elimizdegi tarıhı-mádenı mura obektileriniń sany 25 myńnan asady. Atap aıtqanda, respýblıkalyq mańyzy bar tarıhı jáne mádenı eskertkishter tiziminde 265 eskertkish bolsa, jergilikti mańyzy bar 12 myńnan asa tarıhı jáne mádenı eskertkishi tirkeldi. Qazirgi kezde IýNESKO-nyń Búkilálemdik mura tiziminde elimizdiń 10 tarıhı jáne mádenı eskertkishi bar», dedi Aıda Balaeva.
