«Kúná menen táýbesiz ómirdiń máni ashylmaıdy. Kúná beıne bir jumyrtqanyń qabyǵy ıakı dánniń qaýyzy dep oılańyz. Kúnádan arylý – jumyrtqa nemese dánniń jarylýy sııaqty. Nátıjesinde ishindegi tirshilik aýa men kúnniń áserinen ósip jetile beredi. Sol sekildi kúnányń qaýashaǵyn jaryp shyqqan rýhanııat bastaýyndaǵy sana ıesi qudaıdyń qudiretimen jetile beredi, óse beredi», deıdi Lev Tolstoı.
Iá, kúná – qudaıdyń aldyndaǵy, kiná – adamnyń aldyndaǵy qatelik. Al jatqan adam ǵana súrinbeıtini sekildi, ómir súre júrip qatelespeý múmkin emes. Biraq ol qatelikti ekinshi ret qaıtalamaý – naǵyz adamshylyqtyń belgisi, qudaı súıer qylyq.
