Sybaılas jemqorlyq qazirgi tańda kez kelgen ortada tabylady. Biz ony keıde baıqamaı da qalýymyz múmkin. О́ıtkeni keıbir áreketter úırenshikti, qalypty jaǵdaıǵa aınalyp ketken. Máselen, balanyń aman-esen dúnıege kelýi úshin dárigerge aqsha ustata qoıý, oqý ornynda joǵary baǵa úshin ustazdyń kóńilin kóterip qoıý, jol erejesindegi óreskel tártip buzýshylyqqa polıseıdiń kóz juma salýyna jaǵdaı jasaı salý degen sııaqty kúndelikti ómirdegi áreketter qalypty jaǵdaıǵa aınalǵan. Onymen qansha kúresemiz desek te, qoǵamnyń sanasyn ózgertý ońaı bolmaı tur. Bul bir qoǵamnyń ábden qanyna sińip ketken dert sııaqty. Bul árıne ar men namystyń, ádildiktiń máselesi. Osy rette eń áýeli halyqtyń rýhanı baı bolýyna, adam qundylyqtaryn birinshi kezekke qoıýǵa baýlý kerek-ti. Onyń barlyǵy árıne tárbıemen baılanysty. Al tárbıe – tal besikten. Ony jeńý kerek bolsa, ol ár otbasyda, bala tárbıesinde eskerilýi kerek. Bala uıada ne kórse, ushqanda sony iledi. Úıde mundaı tárbıelik túsindirý jumystary júrgizilmegen jaǵdaıda da ata-ana balasyna durys úlgi kórsete bilse bolǵany. Mundaıda bala óse kele árıne jat qylyqqa barmaıdy, neniń durys, neniń burys baǵytqa apararyn baǵamdaı biledi.
«Sybaılas jemqorlyqqa qarsy is-qımyldar týraly» zań talabynyń aıasynda jemqorlyqqa qarsy is-áreketter ár salada júzege asyrylypjatqany ras. Dese de halyq paraqorlyq dertimen jıi betpe-bet keledi. Sondyqtan kez-kelgen ortada para berý men para alýdyń jolyn kesýde qoǵam bolyp belsendilik tanytýymyz kerek. Paraqorlyq memlekettik organdardyń tıisti qyzmet atqarýyna keri áserin tıgizbeı qoımaıdy. Olardyń bedeline nuqsan keltirýi sózsiz. Qazirgi tańda qoǵamymyzǵa qaýip tóndirip, orasan kesel keltiretin osynaý keleńsiz áleýmettik qubylysqa qarsy sharalar qatań qolǵa alynyp jatyr. Jemqorlyqpen kúres arnaıy daıyndalǵan memlekettik baǵdarlama negizinde júzege asyrylýda. Elimizdiń órkenıetin damytqysy keletin, óz ortasyn qurmetteıtin árbirazamat memleket ishindegi tártipti belgili bir júıege keltirýge, el ishindegi qaýipsizdikti qamtamasyz etýge múddeli.
D.ShAÝKET
QR Sot ákimshiligi Áskerı
soty departamentiniń
aǵa sot prıstavy
