Jambyl oblysy ákiminiń orynbasary Qanatbek Mádibektiń aıtýynsha, óńirde energııa tıimdiligin arttyrý boıynsha alty baǵytta jumys atqarylyp jatyr. Qazirgi kezde jalpy qýaty 571,3 MVt quraıtyn 22 JEK jumys istep tur. Onyń altaýy sý elektr stansasy bolsa, ony jel jáne altaýy kún elektr stansasy ekenin aıta ketken jón.
«О́tken jyly Sarysý aýdanynda jalpy qýaty 100 MVt quraıtyn «Shoqpar JES» jel elektr stansasy iske qosylsa, Jambyl aýdanynda ornalasqan «AEC ASA» kún elektr stansasynyń múmkindigin qosymsha 20 MVt arttyrý boıynsha tıisti jumys júrgizildi. Aldaǵy ýaqytta jalpy qýaty 2 GVt quraıtyn eki iri jobany iske asyrýdy kózdep otyrmyz», deıdi Qanatbek Mádibek.
Oblys ákiminiń orynbasary keltirgen derekke júginsek, BAÁ-niń Masdar kompanııasy Sarysý jáne Talas aýdandarynda qýaty 1 GVt bolatyn jel elektr stansasyn salmaq. Bul jobanyń quny 742,0 mlrd teńgege teń eken. Jel elektr stansııasy men jobalaý-izdestirý jumystaryna 44 myń gektar jer ýchaskesi berilgen. Kompanııa qurylys jumystaryn 2026 jyly bastap, 2029 jyly iske qosýdy kózdep otyr.
Budan bólek, «Total Eren» JShS Moıynqum aýdanynda qýaty 1 GVt bolatyn jel elektr stansııasynyń qurylysyn júrgizedi. Jobaǵa 1 trln teńge ınvestısııa tartý josparlanǵan. Qazirgi tańda seriktestikke 52 myń gektar jer ýchaskesi bólingen. JEK stansasy 2028 jyly paıdalanýǵa berilmek.
Jambyl oblysy
