Jalpy, óńirde 2024–2025 jyldarǵy jylytý maýsymy shtattyq rejimde ótti. Apattyq jaǵdaılar bolǵan joq. Buǵan negizinen qatty aıazdardyń bolmaýy oń áser etti. Turǵyndardyń jylýǵa qatysty shaǵymy 55%-ǵa azaıǵan.
Oblystyq energetıka jáne turǵyn úı-kommýnaldyq sharýashylyq basqarmasynyń basshysy Erjan Imanzaıpovtiń málimdeýinshe, óńir turǵyndaryn sapaly jylýmen qamtamasyz etý, sondaı-aq aldaǵy jylytý maýsymynda jylý jelilerindegi gıdravlıkalyq, temperatýralyq rejimderdi jaqsartý maqsatynda 16,1 mlrd teńgege 31 shaqyrymnan astam jelini jańartý josparlanyp otyr. Pavlodarda № 5 sorǵy stansasyn salý, 5 km magıstraldyq jylý jelilerine, 10,6 km oram ishindegi jelilerge kúrdeli jóndeý júrgizý kózdelgen. Ekibastuzda JM-2, JM-7 qaıta jańartylady, jylý jelileri kúrdeli jóndeýden ótedi. Aqsý qalasynyń № 3, №5, №8 shaǵyn aýdandarynyń oram ishindegi jylý jelileri qaıta jańartylyp, jylý jelilerine kúrdeli jóndeý júrgiziledi.
О́ńir basshysy Asaıyn Baıhanov №1 JEO-daǵy apattyq toqtaýlardyń ósý dınamıkasyna, Aqsýdyń ROK-2 jylý kózindegi negizgi jabdyqtardyń toqtaýyna baılanysty parametrlerdiń tómendeýine alańdaýshylyq tanytyp otyr. Bul túıtkilder óz kezeginde turǵyn úılerdegi jylý jetispeýshiligine soqtyrǵan. «EEK» AQ dırektory, Aqsý MAES «Energetıka» dıvızıonynyń bas operasııalyq dırektory Dúısen Merǵalıev negizgi sebep JEO-daǵy №1, №5, №6 qazandyqtarynyń apattyq jóndeýge jıi shyǵýynan bolǵanyn aıtady. Osyndaı jaǵdaılardyń qaıtalanýyn boldyrmas úshin bıyl №1 JEO stansasyn jóndeýge 13 mlrd teńge bólindi. Sondaı-aq negizgi qazandyqtardy bútindeýden bólek, ROK-2-niń qosalqy jabdyǵyna qosymsha 1,5 mlrd teńgege jóndeý júrgizilmekshi.
Pavlodar oblysy
