Foto: Ǵalamtordan
A.Papptyń sózinshe, 30 jyl – bul Qazaqstannyń damýyna Assambleıa músheleriniń qosqan úlesi men eńbek erlikteriniń dańqty shejiresi. Osy jyldar ishinde Assambleıa músheleri zaýyttar salyp, egin egip, stanok basynda eńbek etip, metall balqytty.
«Ivan Saýer men Grıgorıı Prezent, Gennadıı Zenchenko men Vladımır Pıa, Ahmetjan Shardınov pen Vladımır Rozmetov jáne qanshama kásiporyn basshylary – bular Assambleıa músheleri. Sondyqtan Jumysshy mamandyqtar jyly men Assambleıanyń 30 jyldyǵynyń sáıkes kelýin tereń sımvolıkalyq dep sanaımyn. Men de eńbek dınastııasynyń ókilimin. Ata-anam – eńbek sińirgen mashına jasaý mamandary. Men mashına jasaý zaýyttarynda óstim», dedi vengr qaýymdastyǵynyń ókili.
Onyń aıtýynsha, kásiporynda kópultty úlken ujym jumys isteıdi – 240-tan astam adam. Jyl saıyn 5,5 mıllıard teńgeniń otandyq ónimin shyǵarylady. Bul – gaz jáne elektr qazandyqtary, konvektorlar, elektr kalorıferler, sý qubyryna, tehnologııalyq qajettilikter men iri sýarýǵa arnalǵan nasos stansııalary.
«Bul ónim Qazaqstan úshin asa qajet jáne shetelderde de suranysqa ıe! Jaqsy jumysshy – jaqsy tabys tabady. Bizdiń kásiporynda bilikti jumysshynyń aılyǵy 600 myń teńgeden asady. Biz, Assambleıa músheleri, Jumysshy mamandyqtar jyly ıdeıasyn naqty ispen qoldaımyz. Bul ıdeıa – eńbek adamy qoǵamda laıyqty baǵalanýy jáne moıyndalýy kerek degen senimdi jetkizedi. Qazirgi zamanǵy bilikti jáne isker jumysshy – bul jastar úshin laıyqty áleýmettik perspektıva», dedi ol.
Aleksandr Papptyń aıtýynsha, «Jumysshy mártebesin» arttyrý úshin Assambleıanyń qoǵamdyq qurylymdary zaýyttar men fabrıkalarǵa jıi baryp, jastardy ertip, jańa jumysshy mamandyqtarymen tanysýy qajet. Áleýmettik jelilerde jumysshy eńbegin nasıhattaýdyń jańa tásilderin qarastyrý kerek.
«Taǵy bir másele – bizdiń mádenıet, teledıdar men kıno kúmándi keıipkerlerdi emes, alaqandary qajalǵan eńbek adamdaryn kórsetýi tıis! Jastar senimdi bolýy qajet: jumysshy mamandyq – bul abyroıly áleýmettik lıft! Al jumysshy – bul eldegi basty adam!», dedi A.Papp.
Ol Assambleıanyń qaıyrymdylyq isterine de atsalysqanyna toqtalyp ótti.
«30 jyl ishinde Assambleıanyń qaıyrymdylyq jasaýshylary men volonterleri kóptegen ıgi ister atqardy – bul jetistikter el aýzynda. Assambleıanyń 30 jyldyq mereıtoıynda «Jomart jan» ortalyqtary «Meıirimdilik kerýeni», «Júrekten júrekke», «Mektepke jol» sekildi qaıyrymdylyq jobalaryn belsendi júzege asyryp jatyr. Bul – Assambleıa jumysynyń basty baǵyttarynyń biri bolmaq», dep sózin aıaqtady «KELET» AQ dırektorlar keńesiniń tóraǵasy, Vengr mádenıet ortalyǵy tóraǵasynyń orynbasary Aleksendr Papp.
