Sýretti túsirgen – Arman EShMANOV
Beıbitshilik tý tikken elge bereke ornaıdy. Birlik bolsa, elde turaqty ekonomıkalyq, saıası, mádenı damý bolady. Assambleıa elimizdegi etnostar arasyndaǵy birlik pen tatýlyqty nyǵaıtty, olardyń mádenıeti men tilin saqtaýǵa múmkindik jasap keledi. Mádenıet jáne aqparat mınıstrligine qarasty Roza Baǵlanova atyndaǵy «Qazaqkonsert» memlekettik akademııalyq konserttik uıymynyń ishinen qurylǵan «Birlik» bı ansambli repertýarynda barlyq halyqtardyń bı óneri kórinis tapty. О́ner ujymynyń konsertin Qazaqstan halqy Assambleıasy tóraǵasynyń orynbasary-Prezıdent ákimshiliginiń Qazaqstan halqy Assambleıasy hatshylyǵynyń meńgerýshisi Marat Ázilhanov, Parlament depýtattary, memlekettik organdar ókilderi, respýblıkalyq etnomádenı birlestikterdiń basshylary men músheleri, sondaı-aq QHA qoǵamdyq qurylymdarynyń ókilderi tamashalady.
Kórermenge túrli etnostardyń ulttyq bıi men ánderi usynyldy. Atap aıtqanda, orys, koreı, tájik, ózbek, tatar, túrikmen bıi kórsetildi. Bir shańyraq astynda tatý-tátti ómir súrip jatqan etnostardyń birligin beıneleıtin «Seni súıemin, Qazaqstan» atty vokaldyq-horeografııalyq qoıylym merekelik keshtiń kórkin kirgizdi.
Kóp etnosty «Birlik» ansambliniń maqsaty – álem halyqtarynyń mádenı murasyn saqtaý jáne damytý, dástúrli mýzyka men bı ónerin keńinen nasıhattaý. Ár etnos ókilderinen quralǵan shyǵarmashylyq ujymnyń qoıylymdary ózindik biregeıligimen erekshelenedi.
