Is-shara barysynda Ǵylym jáne joǵary bilim mınıstri Saıasat Nurbek, ál-Farabı atyndaǵy QazUÝ-dyń basqarma tóraǵasy-rektor Janseıit Túımebaev, NVIDIA korporasııasynyń korporatıvtik bıznesti damytý, Qazaqstandaǵy ASUS, Qazaqstan, Ortalyq Azııa jáne Mońǵolııa memlekettik organdarymen jumys jónindegi Kaspersky kompanııasynyń ókilderi ǵylymı-zertteýler nátıjeleri, IT-jobalardyń kórmesimen tanysty.
Forýmda Ǵylym jáne joǵary bilim mınıstri Saıasat Nurbek álemdik tájirıbelerdi zertteý negizinde qolǵa alynyp, júezege asatyn jobalar barysyna toqtaldy.
Amerıkanyń birinshi synyptan jasandy ıntellekt kýrstaryn engizý tájirıbesin, Qytaıda 2035 strategııasy aıasynda jasandy ıntellektini arnaıy pán retinde oqytylatyndyǵyn mysalǵa alǵa mınıstr ǵalamdyq básekede Qazaqstan da óz ornyn nyqtap alýy úshin osy salada mamandar daıarlaýdyń zamanaýı múmkindikterin qoldaný qajettigin alǵa tartty.
Aıtýynsha, álemniń myqty ýnıversıtettermen birlesip, elimizdiń joǵary bilim júıesinde buryn-sońdy qolǵa alynbaǵan 20-dan astam jasandy ıntellekt jobasy iske asatyn bolady. Qazirgi kezde elimizde 2 myńnan astam stýdent sala boıynsha bilim alyp jatqan bolsa, bul óte az kórsetkish ekenin alǵa tartqan mınıstr AI-Sana bilim baǵdaralamasy aıasynda 650 stýdenttiń JI bazalyq daǵdysyn ıgeretindigine toqtaldy.
Iаǵnı, birinshi kezeńde joǵary oqý oryndarynda oqyp jatqan stýdentterge bazalyq bilim beriledi. Al ekinshi kezeńinde 100 myńnan astam stýdent jasandy ıntellekt salasyndaǵy kásipkerlik daǵdysyn meılinshe tereńdetip oqýǵa múmkindik alady. Onyń barysyneda ekonomıkanyń qandaı salasynda jasandy ıntellekti qoldanýǵa bolatyndyǵyna qatysty naqty bilim daǵdylary beriletin bolady. Ary qaraı unicorn kompanııa deńgeıine jetýdi maqsat etetin stýdentter ınvestorlarmen jumys, jasandy ıntellekt klasteri aıasynda damý múmkindigine ıe bolady. Osy joldy bastan aıaǵyna deıin ótýge daıyn stýdentter úshin jyl saıyn úsh basymdyqqa ıe, ıaǵnı bıyl energetıka, turaqty damy jáne agorkeshen salalary qarjylanatyn bolady.
Ál-Farabı atyndaǵy QazUÝ rektory Janseıit Túımebaev dástúrli sharanyń mańyzyn atap ótip, jasandy ıntellekt, kıberqaýipsizdik pen tildik modeldi sıfrlandyrýǵa arnalǵan jobalarǵa toqtaldy. Atap ótkendeı, jas ǵalymdardy yntalandyrýǵa jańa múmkindikter ashylyp jatyr. Osy oraıda Prezıdent tapsyrmasymen ýnıversıtette ekonomıkany damytýǵa baǵyttalǵan zamanaýı jobalar iske asýda. Qazirgi kezde ýnıversıtet aldyńǵy qatardy tehnologııalyq kompanııalarmen áriptestikte jumys istep, zamanaýı oqytý baǵdarlamasy aıasynda bolashaqtyń mamandaryn daıarlap jatyr.
Forýmda sondaı-aq NVIDIA korporasııasynyń korporatıvtik bıznesti damytý jónindegi aǵa menedjeri Anton Djoraev, Qazaqstandaǵy ASUS ókili Ramazan Aranǵazy, Qazaqstan, Ortalyq Azııa jáne Mońǵolııa memlekettik organdarymen jumys jónindegi Kaspersky kompanııasynyń aǵa menedjeri Áset Ordabaev, sarapshy ǵalymdar jasandy ıntellektiń elimizdegi damý barysy, kompanııalarda qoldanylý tájirıbesimen bólisti.
Forýmda Ál-Farabı atyndaǵy QazUÝ, Beıjińdegi «March» sıfrlyq ekonomıka ınstıtýty jáne «Naýryz sıfrlyq ekonomıka parki» JShS arasynda memorandýmǵa qol qoıyldy.
Sonymen qatar forýmda «Cyber Defence Challenge» baıqaýy ótip, jasandy ıntellekt, IT keńistiktiń eń jas qatysýshylary zamanaýı jobalaryn tanystyrdy.
ALMATY
