Foto: Ulttyq testileý ortalyǵy
216 myńǵa jýyq talapker testileýge qatysýǵa eki múmkindikti esepke alǵanda 399 myńǵa jýyq ótinish bergen (2024 jyly – 186 myńǵa jýyq talapker testileýge qatysýǵa eki múmkindikti esepke alǵanda 342 myń ótinish).
UBT-ǵa ótinish berýshilerdiń basym bóligi, 16,5%-y «Matematıka-Fızıka», 15,6%-y «Bıologııa-Hımııa» pánder kombınasııasyn tańdaǵan. 9,7%-y «Matematıka-Informatıka» kombınasııasyn tańdaǵan. Eń az tańdalǵan kombınasııa – «Hımııa-Fızıka», ony 285 adam tapsyrýdy josparlap otyr.
UBT-ǵa qatysý úshin talapkerler Ulttyq testileý ortalyǵynyń http://app.testcenter.kz saıty nemese UTO.kz qosymshasy arqyly ótinish bergen. Talapkerler testileý kúnin, ýaqytyn jáne pýnktin ózderi tańdady. Bul rette olar eki múmkindik úshin beıindik pánderdiń bir ǵana kombınasııasyn belgiledi.
UBT-daǵy pánderdiń sany ózgerissiz qalady, ıaǵnı úsheýi mindetti jáne ekeýi tańdaý boıynsha. UBT tapsyrmalar sany – 120. Onyń ishinde «Qazaqstan tarıhynan» 20 tapsyrma, «Oqý saýattylyǵynan» 10 tapsyrma, «Matematıkalyq saýattylyqtan» 10 tapsyrma jáne eki beıindik pán boıynsha 40 tapsyrmadan. Joǵary ball – 140.
Testileý ýaqyty – 4 saǵat (240 mınýt). Bul rette erekshe bilim berý qajettilikteri bar balalar úshin usynylatyn qosymsha 40 mınýt ýaqyt saqtalady.
Talapkerler mazmuny boıynsha apellıasııaǵa ótinishti testileý aıaqtalǵannan keıin 30 mınýt ishinde berýge, al tehnıkalyq apellıasııa boıynsha ótinishti testileý barysynda berýge bolady. Sertıfıkat apellıasııa qaralǵannan keıin testilenýshiniń jeke kabınetinde qoljetimdi bolady.
