Sýretterdi túsirgen – Nurlan Bımýrza
«Otbasy banktiń» shaqyrýymen keldim»
26 sáýirde «Báıterek» holdınginiń enshiles uıymy «Otbasy bank» «Naýryz» baǵdarlamasynyń qatysýshylaryna arnalǵan jyljymaıtyn múlik jármeńkesin ótkizdi. Is-shara barysynda bir alańda eldiń jetekshi qurylys kompanııalary bas qosty. Jármeńkede bank menedjerlerimen qatar Astanadaǵy belgili qurylys kompanııalarynan «Alash Way», «Aizia Invest», «El Invest», «Grand Building Group», «Lake House 1», «TC Company», «SAT-NS», «The Akan Building», «Bazis-A», «BI-Group», «Jetisu», «Favorite Group», «Grey Plaza Holding (Inju Promenade)», «Aqyn Abai (Vvbuilding)», «Ramadan2020», «Sensata», «Shar-Qurylys» menedjerleri qaz-qatar otyryp, halyqqa qyzmet kórsetti.
«Qazmedıaǵa» bul kúni Astananyń júzdegen turǵyny keldi. Olardyń bári de baspanadan úmitti. Kóbi «Naýryz» baǵdarlamasynda shekti soma maquldaýynan ótken. Kóńilderi kóterińki, eńseleri tik.
Jármeńke qonaqtaryna usynystardyń ishinen tıimdi nusqany tańdap, nysandy kórýge aldyn ala kelisý, turǵyn úı satyp alý tártibi boıynsha tolyqqandy keńes alý ári «Baspana market» portaly arqyly páterdi brondaý múmkindigi qarastyryldy. «Qazmedıaǵa» kelgen astanalyq Nursultan Nurǵojın atty turǵyn «Otbasy banktiń» shaqyrýymen kelgenin aıtady.
«26 mln teńgege deıin somaǵa maquldaý aldym. Bul jármeńke yńǵaıly eken. «Otbasy banktiń» menedjerleri men qurylys kompanııalarynyń ókilderi qaz-qatar otyr. Búgin ózimizge bir úı qaraımyz. «Naýryz» baǵdarlamasymen úı alamyz. Qarajatty úsh jyl jınadym. Biz sııaqty qarapaıym jumysshylarǵa «Otbasy banktiń» baǵdarlamalary tıimdi ekenine kózim jetti», deıdi ol.
«Otbasy banktiń» keńesshileri jármeńke barysynda nesıe mólsherlemesin eseptep berip, tólem qabilettiligin baǵalaý rásimin de sol jerde ótkizdi. Bul – aldyn ala maquldaý alý úshin qajet. Astanalyq Gúlden Qabykeeva da bank talabynyń birinshi kezeńinen ótip, endi tólem qabilettiligin rastaý úshin jármeńkege kelgen.
«4 jyldan beri 3,6 mln teńge jınadym. Maǵan «birinshi kezeńnen óttińiz» degen jaýap keldi. Endi qandaı satylardan ótýim kerektigin bileıin dep keldim. Jumys kúni jumystan shyǵa almaımyn. Búgingi kún yńǵaıly boldy. Izdegenge suraǵan degendeı, SMS-habarlama arqyly búgin jármeńke ótetini týraly habarlama keldi. Birinshi kezeńnen keıin qaıdan ótýim kerektigin shynymdy aıtsam bilmeımin. Sol úshin kelip otyrmyn. Onyń ústine bul jerde banktiń menedjerlerimen qatar qurylys kompanııalarynyń da adamdary otyr eken. Jaqsy boldy. Búgin bir úı tańdaımyn», deıdi Gúlden.
«Naýryz» myńdaǵan adamdy qýantty
2025 jyly elimizdiń 34 745 azamaty «Naýryz» baǵdarlamasyna qatysýǵa ótinish bergen. Sonyń ishinde joǵary ball jınaǵan 12 000 azamat qatysýshy retinde tańdalǵan. Olardyń ishinde 4 577 adam nemese 38,1%-y — turǵyn úı kezeginde turǵandar. Shamamen árbir altynshy qatysýshy (16,8%) — áleýmettik osal sanattaǵy azamattar. Baǵdarlamaǵa qatysýshylardyń basym bóligi — 35 jasqa deıingi jastar (7 112 adam). Olardyń kópshiligi — otbasyly, balaly azamattar. Sondaı-aq qatysýshylardyń 25%-y — turǵyn úı tólemderin alýshylar, ıaǵnı áskerıler men arnaıy memlekettik organdar qyzmetkerleri.
Qazir «Naýryz» baǵdarlamasyna qatysýshylardyń baspana tańdaýyna ýaqyt berilgen. 2024 jyly «Otaý» jáne «Naýryz» baǵdarlamalarynyń arqasynda 10 249 otbasy qonystoıyn atap ótken.
«Eshkim kóńil kúıin túsirmesin»
«Otbasy banktiń» Astanadaǵy fılıalynyń dırektory Janar Izimbetovany sózge tarttyq. Onyń aıtýynsha, «Naýryz» baǵdarlamasy iske asyrylyp jatqanyna 2 jyl bolǵan. Bul baǵdarlamany Memleket basshysynyń tapsyrmasymen «Otbasy bank» ázirlegen. Onyń sharty: daıyn páter alsańyz bastapqy jarna 10 paıyz, jartylaı daıyn páter úshin 20 paıyz. Nesıe boıynsha az qamtylǵan otbasylarǵa mólsherleme jyldyq 7 paıyz (JTSM 7,1%-dan 9,6% deıin) bolsa, qalǵan sanattaǵy azamattardyń bárine 9 paıyz (JTSM 9,4%-dan 13% deıin). Astana, Almaty men Shymkent qalasynda beriletin lımıt 36 mln teńgege deıin bolsa, basqa oblys ortalyqtary úshin 30 mln teńge.
«Astana týraly aıtar bolsaq, baǵdarlama boıynsha 2707 adam ótse, 477 azamattyń tólem qabilettiligi rastaldy. Olar qazir baspana izdep, osynda júrgen qurylys kompanııalarymen de sóılesip jatyr. 477 azamattyń ishinde 38-i «Naýryz» baǵdarlamasy boıynsha baspana satyp aldy. 17 naýryzdan bastap «Naýryz jumysker» atty jańa baǵdarlama bastaldy. Bul baǵdarlama boıynsha da ótinim qabyldaý jumysy aıaqtaldy. Astanadan 480 azamat osy baǵdarlama boıynsha tirkeldi. 238-den asa adam óz baspanasyn tapty. Qalǵan azamattar satyp alatyn úı izdep jatyr», dedi Janar Izimbetova.
Banktiń ókili «Otbasy bankte» qazir osy eki baǵdarlama barynsha tıimdi sanalatynyn aıtady. «Naýryz» baǵdarlamasy áli de bes jylǵa sozylady.
«Iаǵnı bıyl konkýrstan ótpeı qalǵandar bolsa kóńil kúıin túsirmesin. Olar alǵashqy jarnaǵa qajetti 10–20 paıyz aqshany taýyp, kelesi joly ótinim bere alady. Biz portalymyzda turǵan qurylys kompanııalardyń bárimen seriktespiz. Astana jaıynda aıtatyn bolsaq, onyń ishinde 83 nysan bar. Iаǵnı bul – 3300 páter. Olardyń keıbireýi paıdalanýǵa berilgen. Sonymen birge kepildikpen salynyp jatqan úıler de bar. Bizben seriktes kóp kompanııalar osynda kelip otyr», dep túıdi sózin Janar Izimbetova.
Mundaı jármeńkeler aldaǵy ýaqytta da bolady.
