Sýret: ortcom.kz
Keńeske óńirdegi iri ınvestorlar men kásipkerler qatysty. Olardyń qatarynda «Qazaqmys» korporasııasy, «Saryarqa Enerdjı» jáne «SEPMEM» qytaılyq kompanııasy bar.
Jıyn barysynda oblys ákimi ınvestısııa ekonomıkanyń qozǵaýshy kúshi ekenin aıtyp, bul baǵyttaǵy jumysty jandandyrý qajettigin atap ótti.
Keńes barysynda «Saryarqa Enerdjı» kompanııasy 7 mlrd teńge kóleminde ınvestısııa quıyp, óńirde kómirdi baıytý fabrıkasyn salýdy josparlap otyrǵanyn málimdedi. Kompanııa ókili Oleg Grısaı joba týraly jan-jaqty baıandap, onyń iske asyrylý merzimi men ekonomıkalyq tıimdiligine toqtaldy.
Sondaı-aq «SEPMEM» kompanııasy oblys aýmaǵynda 10 mlrd teńge kólemindegi ınvestısııalyq joba – tabıǵı gazdy suıyltý zaýytyn salý bastamasyn usyndy. Kompanııa ókili Iаng Mın zaýyttyń tehnıkalyq erekshelikteri men óńir ekonomıkasyna ákeletin paıdasy týraly baıandama jasady.
– Biz ınvestorlardyń Ulytaý oblysynyń ekonomıkasyna qosqan úlesin joǵary baǵalaımyz. Barlyq bastamany qoldaýǵa daıynbyz. Investorlar kótergen máseleler jan-jaqty qarastyrylyp, olardy sheshý joldary pysyqtalatyn bolady, – dep oblys basshysy ákimder men tıisti basqarma basshylaryna osy baǵyttaǵy jumysty kúsheıtýdi ári qatań baqylaýdy tapsyrdy.
Ulytaý oblysy
