Rejısseri: Juldyzbek Jumanbaı. Inssenırovka avtorlary: Baqytbek Qadyr, Juldyzbek Jumanbaı.
«Ar adamy. Baýyrjan» derekti dramasy — adamzat tarıhyndaǵy eń aýyr — Ekinshi dúnıejúzi soǵysy jyldaryndaǵy qasyret pen erliktiń, ar-namystyń jáne otansúıgishtiktiń kórkem shejiresi. Týyndyda Baýyrjan Momyshulynyń qaıratkerlik tulǵasy, jaýyngerlik rýhy, ádilet pen adamgershilikke degen bıik muraty sahnalyq tilmen shynaıy beınelengen.
Máskeý túbindegi shaıqastar, Volokolamsk tas jolyndaǵy batyrlyq sátter, Panfılov dıvızııasynyń «Gvardııa» ataǵyna ıe bolýy sııaqty tarıhı oqıǵalar qoıylymda kórinis beredi.
«Ar adamy. Baýyrjan» derekti dramasy — jas urpaqtyń boıyna otansúıgishtik, adaldyq, namysshyldyq sııaqty asyl qasıetterdi sińiretin, shynaıy batyrlyqtyń beınesin kórsetetin kórkem týyndy. Bul qoıylym — ult tarıhyn tanýdyń jáne uly tulǵalardan taǵylym alýdyń jarqyn úlgisi.
Ázirbaıjan Mámbetov atyndaǵy memlekettik drama jáne komedııa teatry barsha kórermendi tarıhı taǵylymy mol, rýhy bıik premeraǵa shaqyrady!
Premera kúnderi: 9, 10 mamyr
Bastalýy: 18:00
