Foto: Sý resýrstary jáne ırrıgasııa mınıstrliginiń baspasóz qyzmeti
The International Visitor Leadership Program halyqaralyq almasý baǵdarlamasy sheńberinde Qazaqstan mamandary AQSh-qa baryp, sý resýrstaryn basqarý júıesin jetildirý joldaryn zerttep, bir aılyq oqýdan ótip elge oraldy.
Sonymen qatar, sý salasynyń 30 mamany QHR-da eki aptaǵa sozylǵan biliktilik arttyrý kýrsyn aıaqtady. Jyl sońyna deıin Qytaıǵa 25 adamnan turatyn taǵy úsh topty jiberý kózdelip otyr.
«Tehnologııa men sıfrlandyrýdyń damýyna baılanysty sý salasy mamandaryn qaıta daıarlaýǵa degen suranys artyp otyr. QHR-da sý ınfraqurylymdary jaqsy damyǵan ári ózindik erekshelikteri bar jáne olar sý salasyndaǵy bilikti mamandardy daıyndaýdyń tıimdi ádisterin qoldanady. Sondyqtan Qytaıdyń bul tájirıbesi bizdiń sý mamandary úshin óte paıdaly», dedi Sý resýrstary jáne ırrıgasııa vıse-mınıstri Aslan Abdraımov.
Búginde sala mınıstrligi kýrstar uıymdastyrý boıynsha basqa da eldermen kelissózder júrgizip jatyr.
