Foto: Parlam.kz
Saýalda 2023 jyly qabyldanǵan, jumys berýshilerdiń aýyldyq jerde qyzmetkerlerine turǵyn úı salý shyǵyndaryn sýbsıdııalaý baǵdarlamasynyń kemshin tustary aıtyldy. Memleket tarapynan turǵyn úı qurylysynyń 50 paıyzyn óteý qarastyrylǵanymen, bul bastamanyń júzege asýynda birqatar qıyndyqtar týyndap otyrǵany belgili boldy.
Atap aıtqanda, qazirgi talaptarǵa sáıkes, aýdandyq jáne oblystyq ortalyqtarda, sondaı-aq aglomerasııa quramyna kiretin eldi mekenderde salynǵan úıler bul baǵdarlama aıasynda sýbsıdııalanbaıdy. Degenmen, Batys Qazaqstan oblysyndaǵy keıbir aýdandarda fermerlik sharýashylyqtar resmı túrde aýdan ortalyǵyna qaraǵanymen, shyn máninde aýyldyq jerde ornalasqan. Bul jaǵdaı olardyń baǵdarlamaǵa qatysýyna kedergi keltirip otyr.
Sonymen qatar, depýtat sýbsıdııa kóleminiń naqty shyǵyndarǵa saı kelmeıtinin atap ótti. Qoldanystaǵy tártipke sáıkes, árbir turǵyn úıge beriletin sýbsıdııa 5 mln teńgeden aspaıdy. Alaıda, 2023 jyly Batys Qazaqstan oblysynda 1 sharshy metr turǵyn úıdiń ortasha quny 284 136 teńge bolsa, aldaǵy jyldary bul kórsetkish 340 myń teńgege jetýi múmkin. Osyǵan baılanysty, 100 sharshy metrlik turǵyn úıdiń quny 34 mln teńgeden asyp jyǵylýy yqtımal.
«Qaǵazda bar, ómirde joq» degen mysal – dál osy jaǵdaıǵa tán. Eger bul másele túbegeıli sheshilmese, aýyl – jaıly meken emes, bosap bara jatqan keńistikke aınalady», deıdi depýtat.
Osy rette depýtat sýbsıdııalaý talaptaryn qaıta qaraýdy usyndy. Atap aıtqanda:
- О́ńirlik erekshelikter men qurylys shyǵyndarynyń ósýin eskere otyryp, sýbsıdııa mólsherin arttyrý;
- Resmı túrde aýdan ortalyǵyna jatatyn, biraq is júzinde aýyldyq sıpattaǵy eldi mekenderdi baǵdarlamaǵa qosý;
- О́ńirlerdegi ınfraqurylym men shyǵyndardy eskere otyryp, saralanǵan qoldaý júıesin engizý.
Depýtattyń pikirinshe, bul sharalar baǵdarlamanyń tıimdiligin arttyryp, aýyldyq óńirlerdiń damýyna serpin bermek.
