Jeke tulǵalardyń kásipkerlikke nesıe alýy qıyndaı túspekFoto: aikyn.kz
Agenttik tutynýshylyq kredıt berýdiń ósý qarqynyn shekteýdi kózdeıdi, dep jazady inbusiness.kz saıty.
Qarjy naryǵyn retteý jáne damytý agenttigi "Qazaqstan Respýblıkasynyń keıbir normatıvtik quqyqtyq aktilerine bank jáne mıkroqarjylyq qyzmetti retteý máseleleri boıynsha ózgerister engizý týraly" Agenttik Basqarmasy qaýlysynyń jobasyn ázirledi.
Joba bank jáne mıkroqarjylyq qyzmetti retteý máseleleri boıynsha normatıvtik quqyqtyq bazany jetildirý maqsatynda ázirlendi jáne tutynýshylyq kredıt berýdiń ósý qarqynyn shekteýge jáne azamattardyń shamadan tys borysh júktemesin boldyrmaýǵa baǵyttalǵan.
Joba tómendegideı erejelerdi qamtıdy:
- bankter men mıkroqarjy uıymdary kásipkerlik maqsattar úshin jeke tulǵalarǵa jańa nesıeler berý kezinde qaryz júkteme koeffısıentin (QJK) esepteýge mindetti bolady;
- sońǵy 12 aıda 90 kúnnen astam merzimi ótken qaryz alýshylar tómendetilgen QJK alady (0,25 deńgeıinde);
- sońǵy úsh jylda bereshegi keshirilgen, nátıjesiz qaıta qurylymdaýlar, sondaı-aq 5 jyldan astam merzimge tutynýshylyq nesıeleri bar jeke tulǵalardy nesıelendirýge tyıym salynady;
- 3 jyldan astam merzimge berilgen kepilsiz tutynýshylyq nesıeler boıynsha táýekeldi ólsheý koeffısıenti 350%-ǵa deıin ulǵaıtylady.
