Boljamǵa sáıkes, 2025 jyly Jambyl oblysynda úıirli shegirtkelerdiń taralýy 107,63 myń gektar aýmaqty qamtýy múmkin. Aýyl sharýashylyǵyna keletin zalaldy boldyrmaý maqsatynda óńirde hımııalyq óńdeý jumystary qarqyndy júrgizilýde.
Búgingi tańda 14 myń gektar jer óńdeldi. Jumysqa 36 arnaıy tehnıka jumyldyrylǵan, onyń ishinde 2 ushaq pen 3 ushqyshsyz avıasııalyq júıe bar.
Aıdarbek Saparov jaǵdaıdy jiti baqylaýda ustaý qajettigin atap ótip, drondardy paıdalaný arqyly atqarylyp jatqan jumystardyń sapasyn tekserdi.
«Barlyq qajetti preparattar satyp alyndy. Tehnıka jetkilikti. Merdigerler óz mindettemelerin sapaly ári ýaqytyly oryndap, óńdeýdiń joǵary tıimdiligin qamtamasyz etýi tıis», dedi mınıstr.
Aıta keteıik, 2024 jyly Jambyl oblysynda 131 myń gektardan astam aýmaq óńdelip, aýyl sharýashylyǵy daqyldarynyń zaqymdanýy men zııankesterdiń basqa óńirlerge taralýynyń aldyn alýǵa múmkindik berildi.
