Foto: Ashyq derekkóz
«Oqýshylardan kelip túsken Almaty oblysyndaǵy jaǵdaıǵa qatysty shaǵym nazardan tys qaldyrýǵa bolmaıtyn másele. Bul oqýshylardyń quqyqtarynyń buzylýy men mekteptegi tamaqtaný qyzmetinde sanıtarlyq talaptardyń saqtalmaýy sııaqty mańyzdy máselelerdi kóteredi. Mundaı jaǵdaılar jergilikti atqarýshy organdardyń óz mindetterin tıisti deńgeıde oryndamaı otyrǵanyn kórsetedi», dep jazdy Ǵanı Beısembaev Facebook paraqshasynda.
Ǵanı Beısembaevtyń málimetinshe, balalardyń quqyqtaryn qorǵaý maqsatynda mınıstrlik úsh negizgi zańǵa 94 túzetý engizgen. О́tken jyly bilim berý uıymdaryn tekserý nátıjesinde 24 jaǵdaıda basshylar ákimshilik jaýapkershilikke, al 78 jaǵdaıda tártiptik jaýapkershilikke tartylǵan.
«Atalǵan jaǵdaı jeke baqylaýymda. Balalardyń quqyqtaryn qorǵaý komıteti men aýmaqtyq bilim sapasyn qamtamasyz etý departamentiniń qatysýymen arnaıy jumys komıssııasyn qurýdy tapsyrdym. Komıssııa qoldanystaǵy zańnama aıasynda barlyq qajetti sharalardy qabyldaıtyn bolady», dedi mınıstr.
Sonymen qatar mınıstr Almaty oblysynyń basshylyǵynan bul jaǵdaıdy jan-jaqty qarap, mundaı keleńsizdikterdiń qaıtalanbaýy úshin naqty sharalar qabyldaýdy kútetinin atap ótti.
Esterińizge sala keteıik, buǵan deıin Qazaqstandaǵy bala quqyqtary jónindegi ýákil Dınara Zakıeva Almaty oblysynyń jeti aýdanynda júrgizilgen anonımdi saýalnama nátıjelerimen bólisip, birqatar zańbuzýshylyqtar anyqtalǵanyn habarlaǵan edi.
