Heriot-Watt ýnıversıtetiniń Aqtóbe kampýsynda 2-kýrs oqıtyn Kórkemaı komıks ıdeıasyn júzege asyrý barysynda jasandy ıntellekt quraldaryn paıdalanyp, Keńes Odaǵynyń batyry Álııa Moldaǵulovanyń ómirindegi mańyzdy oqıǵalardy mektep oqýshylaryna túsinikti ári áserli etip beıneleýge tyrysqan. Joba jas oqyrmannyń patrıottyq sezimin oıatýdy kózdeıdi.
– Qazir komıks jasóspirimder arasynda jaı ǵana sýretti kitap emes, bul tárbıelik máni bar, shabyt syılaıtyn quralǵa aınaldy. Osyny eskerip, ulttyq rýhanı qundylyqtardy jańǵyrtýǵa úles qosqym keldi. Osylaısha, tarıhı derekterge súıenip Álııa Moldaǵulovanyń maıdandaǵy erligin qysqa epızodtarmen jańa formada usyndym, – deıdi K.Eleýsiz.
Joba Ǵylym jáne joǵary bilim mınıstrliginiń nazaryna iligip, resmı paraqshasynda jarııalandy. Bolashaqta avtor bul formatta basqa da qazaq batyrlary týraly serııalar ázirleýdi josparlap otyr.
