Densaýlyq saqtaý vıse-mınıstri Tımýr Sultanǵazıevtiń aıtýynsha memorandýmnyń maqsaty taraptar arasyndaǵy yntymaqtastyqty, onyń ishinde ınnovasııalardy damytý, densaýlyq saqtaý júıesin nyǵaıtý, memlekettik bastamalardy qoldaý sııaqty salalardaǵy yntymaqtastyqty tereńdetý. Kelisim eki taraptyń osy salalarda jan-jaqty qoldaý kórsetý nıetin kórsetedi.
Osy yntymaqtastyq aıasynda Qazaqstanda óndiristi damytý, ozyq medısınalyq tehnologııalardy jetkizý, zamanaýı dıagnostıkalyq baǵdarlamalardy jetildirý, sondaı-aq ǵylymı zertteýler boıynsha jobalardy iske asyrýdy qosa alǵanda, aıtarlyqtaı nátıjelerge qol jetkizildi.
Aıta keterlik jaıt, kompanııanyń bastapqy dárileriniń birinshi partııasyn kelisim-shart boıynsha óndirýdi bastaý bıylǵy mamyr aıynda josparlanǵan.
Joǵarydaǵy mámilege oraı, «AstraZeneka» Qazaqstan úkimetimen baılanys jáne syrtqy kommýnıkasııalar jónindegi dırektory Arsen Nasyrhanov:
«2022 jyldyń basynan beri «AstraZeneka» Qazaqstan Respýblıkasynyń densaýlyq saqtaý salasyn damytýǵa 3,5 mıllıard teńgeden astam ınvestısııa saldy. Bul ınvestısııalar densaýlyq saqtaý júıesin nyǵaıtýǵa jáne ozyq medısınalyq sheshimderge qoljetimdilikti qamtamasyz etýge kómektesedi», dedi.
Eki tarap ta bul kelisim yntymaqtastyqty tereńdetýde, eldegi densaýlyq saqtaý júıesin nyǵaıtýǵa jol ashatynyn, sondaı-aq Qazaqstan men Ulybrıtanııa arasyndaǵy tabysty yntymaqtastyqtyń kórsetkishi ekenin atap ótti.
