foto: TJM
Mınıstrliktiń qaramaǵynda 436 órt sóndirý deposy bar. Desekte, el aýmaǵyn tolyqtaı órt sóndirý qyzmetimen qamtý úshin bul azdyq etedi. О́ńirlerge áli de qosymsha 119 depo qajet.
О́tken jyly Astana, Almaty, Shyment qalalarynda jáne Almaty, Atyraý, Jambyl, Túrkistan, Aqtóbe oblystarynda 10 órt sóndirý bólimshesi quryldy. Jyl basynan beri Aqmola, Qaraǵandy, Pavlodar, Almaty, Jambyl jáne Soltústik Qazaqstan oblystarynda ámbebap qutqarý bólimsheleri ashyldy. Onyń ishinde Astanada ornalasqan órt sóndirý deposy jańa qurylys úlgisi boıynsha, tez turǵyzylatyn modýldik tehnologııalardy paıdalana otyryp júzege asyrylǵan alǵashqy jobalardyń biri retinde erekshelenedi. Deponyń ishinde jumys kabınetteri, dıspetcherlik, oqý synyby, demalys bólmesi jáne as úı ornalasqan. Mundaı nysandarda órt sóndirýshilerdiń jumysyn alańsyz atqarýyna, daıyndyq júrgizýine jáne tynyǵýyna tolyqtaı qolaıly jaǵdaı jasalǵan. Osyndaı zamanaýı órt sóndirý depolary aldaǵy ýaqytta elimizdiń ózge qalalarynda da salynatyn bolady.
Bul mınıstrliktiń júıeli jumysynyń jáne basshylyq qoıǵan mindetterdi tyńǵylyqty iske asyrýdyń nátıjesi.
